ಬೆಂಗಳೂರು: ಸುದ್ದಿ ಹೆಕ್ಕಿ ತೆಗೆದು ವರದಿ ಮಾಡಬೇಕಾದ ವರದಿಗಾರ ನ್ಯಾಯಾಧೀಶರ ಪಾತ್ರವಹಿಸಿ ತೀರ್ಪು ನೀಡುತ್ತಾರೆ.
ಆದರೆ ಇದೆಷ್ಟು ಸರಿ, ಎಷ್ಟು ತಪ್ಪು ಎಂದು ವರದಿಗಾರರು ತಮ್ಮಷ್ಟಕ್ಕೆ ತಾವು ಯೋಚಿಸುವ ಅನಿವಾರ್ಯತೆ ಇದೆ. ಹಾಗೆಯೇ ಮಾಧ್ಯಮಗಳೂ ಅನೇಕ ಸಂದರ್ಭಗಳಲ್ಲಿ ಅತಿರೇಕಕ್ಕೆ ಹೋಗುತ್ತಿದ್ದು, ಸ್ವಯಂ ನಿಯಂತ್ರಣ ಹಾಕಿಕೊಳ್ಳುವ ನಿಟ್ಟಿನಲ್ಲಿ ಹಿರಿಯ ಪತ್ರಕರ್ತರೆಲ್ಲ ಒಟ್ಟಾಗಿ ಚರ್ಚಿಸಬೇಕೆಂದು ಕಾನೂನು ಸಚಿವ ಟಿ.ಬಿ.ಜಯಚಂದ್ರ ಸಲಹೆ ನೀಡಿದ್ದಾರೆ.
ಮಾಧ್ಯಮ ಅಕಾಡೆಮಿ ಗುರುವಾರ ವಿಧಾನಸೌಧದ ಬ್ಯಾಂಕ್ವೆಟ್ ಹಾಲ್ ನಲ್ಲಿ ಹಮ್ಮಿಕೊಂಡಿದ್ದ ವಾರ್ಷಿಕ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಮಾತನಾಡಿ, ಇತ್ತೀಚಿಗೆ ವಿದ್ಯುನ್ಮಾನ ಮಾಧ್ಯಮದಲ್ಲಿ ಸುದ್ದಿಗಳು ಬಹಳ ವೇಗವಾಗಿ ಜನರನ್ನು ತಲುಪುವ ಜೊತೆಗೆ ಮನಸ್ಸನ್ನೂ ತಲುಪುತ್ತಿದೆ. ಇದನ್ನು ಜನರು ಪ್ರತಿಶತ ನಂಬುತ್ತಾರೆ. ಮಾಹಿತಿ ಬಿತ್ತರಗೊಳ್ಳುವ ಮುನ್ನ ಸ್ವಲ್ಪ ವಿಶ್ಲೇಷಿಸಿ ಎಂದರು.
