ಬೆಂಝ್ ನಿಂದ ಲ್ಯೂಕ್ಸ್ ಡ್ರೈವ್

ಬೆಂಗಳೂರು: ನೂತನ ಕಾರುಗಳ ಚಾಲನಾ ಅನುಭವ ನೀಡುವ ಸಲುವಾಗಿ ಮರ್ಸಿಡಿಸ್ ಬೆಂಝ್ ತನ್ನ ಗ್ರಾಹಕರಿಗೆ ನಗರದಲ್ಲಿ ಶನಿವಾರ ಹಾಗೂ ಭಾನುವಾರ `ಲ್ಯೂಕ್ಸ್ ಡ್ರೈವ್' ಕಾರ್ಯಕ್ರಮ ಹಮ್ಮಿಕೊಂಡಿದೆ.

ಚಂಡೀಘಡ, ಗುರ್‍ಗಾಂವ್, ಜೈಪುರ, ಸೂರತ್ ಹಾಗೂ ಮುಂಬೈನ ಯಶಸ್ಸಿನ ಬಳಿಕ `ಲ್ಯೂಕ್ಸ್ ಡ್ರೈವ್'ನ್ನನು ಬೆಂಗಳೂರಿನ ನೈಸ್ ರಸ್ತೆಯಲ್ಲಿ ಆಯೋಜಿಸಲಾಗಿದೆ. ಖ್ಯಾತ ಮರ್ಸಿಡಿಸ್ ಕಾರುಗಳನ್ನು ಚಲಾಯಿಸುವುದರ ಜತೆಗೆ ವಿಕಾಸ್ ಖನ್ನಾ ಅವರ ರುಚಿಯಾದ ಅಡುಗೆ ಸವಿಯುವ ಅವಕಾಶವು ದೊರೆಯುತ್ತದೆ.

ಕಾರ್ಯಕ್ರಮದಲ್ಲಿ ಭಾಗವಹಿಸಿದ ಅತಿಥಿಗಳು ತಮ್ಮ ಮೆಚ್ಚಿನ ಮರ್ಸಿಡಸ್ ಕಾರನ್ನು ಖರೀದಿಸಲು ವಿಶೇಷ ಪ್ರದರ್ಶನವೂ ಇದೆ. ಹಾಗೆಯೇ ಮಕ್ಕಳಿಗಾಗಿ ವಿಶೇಷ ಉಡುಗೊರೆಗಳ ಜತೆಗೆ ವಿಶೇಷ ಆಟದ ಜಾಗವೂ ಇದೆ. ಪ್ರಾಂತ್ಯವಿರುತ್ತದೆ. ಇನ್ನು ಉಪಯೋಗಿಸಲಾದ ಕಾರುಗಳಿಗೆ ಉಚಿತ ಮೌಲ್ಯಮಾಪನ ಮಾಡುವ ವಿಶೇಷ ತಂಡ ಹಾಗೂ ಕಾರು ಖರೀದಿಗೆ ಹಣಕಾಸಿನ ವ್ಯವಸ್ಥೆ ಮಾಡಲಾಗುತ್ತದೆ. ಭಾನುವಾರವೂ ನೈಸ್ ರಸ್ತೆಯಲ್ಲಿ ಈ ಕಾರ್ಯಕ್ರಮ ನಡೆಯಲಿದೆ. ಗ್ರಾಹಕರನ್ನು ಸಂಪರ್ಕಿಸಲು ಹಾಗೂ ನೂತನ ಗ್ರಾಹಕರ ಸೃಷ್ಟಿಗೆ ಈ ವೇದಿಕೆಯನ್ನು ಮರ್ಸಿಡಿಸ್ ಬೆಂಝ್ ಸಂಸ್ಥೆ ಪರಿಣಾಮಕಾರಿಯಾಗಿ ಬಳಸಿಕೊಳ್ಳುತ್ತಿದೆ.