ಕೊಲೆ ಶಂಕೆ, ಕಾಂಗ್ರೆಸ್ ನಾಯಕನ ಪುತ್ರ ಸೇರಿ ಇಬ್ಬರ ಬಂಧನ

ಕೊಪ್ಪಳ: ಶಂಕಿತ ಕೊಲೆ ಪ್ರಕರಣವೊಂದಕ್ಕೆ ಸಂಬಂಧಿಸಿದಂತೆ ಪೊಲೀಸರು ಇಲ್ಲಿನ ಕಾಂಗ್ರೆಸ್ ಮುಖಂಡರೊಬ್ಬರ ಪುತ್ರ ಸೇರಿದಂತೆ ಮೂವರನ್ನು ಬಂಧಿಸಿದ್ದಾರೆ.

ಕಾಂಗ್ರೆಸ್ ಮುಖಂಡ ಹನುಮೇಶ್ ನಾಯಕ್ ಅವರ ಪುತ್ರ ಮಹಂತೇಶ್ ನಾಯಕ್ ಮತ್ತು ಆತನ ಸ್ನೇಹಿತರಾದ ಮನೋಜ್ ಮತ್ತು ದುರ್ಗಪ್ಪ ಅವರನ್ನು ಪೊಲೀಸರು ಬಂಧಿಸಿದ್ದು, ಆರೋಪಿಗಳನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.

ಕಳೆದ ಜನವರಿ 11ರಂದು ಕೊಪ್ಪಳ ಹೊರವಲಯದ ರೈಲ್ವೆ ಹಳಿ ಮೇಲೆ ಪಿಯುಸಿ ವಿದ್ಯಾರ್ಥಿಯ ಮೃತದೇಹ ಪತ್ತೆಯಾಗಿತ್ತು. ಕೊಪ್ಪಳದ ಕನಕಪುರ ತಾಂಡಾ ಹುಲಿಹೈದರ್ ಗ್ರಾಮದ ಯಲ್ಲಲಿಂಗ ಮೃತ ವ್ಯಕ್ತಿಯಾಗಿದ್ದು, ಇದೊಂದು ಕೊಲೆ ಎಂದು ಆತನ ಕುಟುಂಬದವರು ಜನವರಿ 31ರಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಪಿ. ರಾಜಾ ಅವರಿಗೆ ದೂರು ನೀಡಿದ್ದರು.

ಹುಲಿಹೈದರ್ ಗ್ರಾಮ ಪಂಚಾಯತಿಯಲ್ಲಿ ಭಾರೀ ಅಕ್ರಮ ನಡೆದಿರುವ ಸಂಗತಿಯನ್ನು ಹೊರಹಾಕಿದ್ದರಿಂದ ಅವನನ್ನು ಕೊಲೆ ಮಾಡಲಾಗಿದೆ ಎಂದು ಕುಟುಂಬದವರು ಆರೋಪಿಸಿದ್ದರು. ಈ ಹಿನ್ನೆಲೆಯಲ್ಲಿ ಘಟನೆ ಬಗ್ಗೆ ತನಿಖೆ ನಡೆಸಲು ಪೊಲೀಸರ ವಿಶೇಷ ತಂಡವನ್ನು ರಚಿಸಲಾಗಿತ್ತು.