ನೀವು ಕೆಜೆಪಿ ಸೇರ್ತೀರಾ? ಈ ಕಡೆಗೆ ಅದೇ ಸುದ್ದಿ ಭಟ್ರೇ?!

ಅನಂತನಾರಾಯಣ ಎಂ.ಎನ್. ಮೈಸೂರು
ನೀವು ಕೆಜೆಪಿ ಸೇರ್ತೀರಾ? ಈ ಕಡೆಗೆ ಅದೇ ಸುದ್ದಿ ಭಟ್ರೇ?!
ಮೊನ್ನೆ ಯಡಿಯೂರಪ್ಪನವರಿಗೂ ಇದೇ ಪ್ರಶ್ನೆ ಕೇಳಿದರಂತೆ!

ಚಂದ್ರು ಅರಕಲಗೂಡು
ಜೀವನದಲ್ಲಿ ಜುಗುಪ್ಸೆ ಬಂದಿದೆ. ವಿಷ ಕುಡಿಯೋಣ ಅಂತಿದೀನಿ. ನಿಮ್ಮ ಸಲಹೆ?
ವಿಷದಲ್ಲಿ ಕಲಬೆರಕೆ ಇಲ್ಲವೆಂಬುದನ್ನು ಖಾತ್ರಿ ಪಡಿಸಿಕೊಳ್ಳುವುದು ಆರೋಗ್ಯದ ದೃಷ್ಟಿಯಿಂದ ಕ್ಷೇಮ!

ಕುಡಿತಿನಿ ಮಹೇಶ, ಬಳ್ಳಾರಿ
ಆಂಡೆಪಿರ್ಕಿ ಬಗ್ಗೆ ಬರೆಯುತ್ತಿದ್ದಿರಿ. ಇತ್ತೀಚೆಗೆ ಆ ಬಗ್ಗೆ ಪ್ರಸ್ತಾಪ ಮಾಡ್ತಿಲ್ಲ ಏಕೆ?
ಸುಮ್ಮನೆ ಇದ್ದೇನೆ ಅಂತ ಅಂದ್ರೆ ಏನೋ ಅಪಾಯ ಕಾದಿದೆ ಎಂದರ್ಥ!

ಬಸವನಗೌಡ ಹೆಬ್ಬಳಗೆರೆ, ಚನ್ನಗಿರಿ
ನಾವು ಕೇಳುವ ಪ್ರಶ್ನೆಗಳಿಗೆ ನಿಮಗೆ ಉತ್ತರ ಹುಟ್ಟುವ ಸಮಯ ತಿಳಿಸ್ತೀರಾ?
ಅಲ್ಲೇ ಡ್ರಾ, ಅಲ್ಲೇ ಬಾಣ!

ಎಂ. ಬಿ. ಕೃಷ್ಣಮೂರ್ತಿ, 94491 30531
ವ್ಯಾಪಾರ ಮಾಡಲು ಬಂಡವಾಳ ಬೇಕು, ಪ್ರೀತಿ ಮಾಡಲು?
ಕಲಿಯುಗದಲ್ಲಿ ಅದೂ ಬಂಡವಾಳವಿದ್ದರಷ್ಟೇ ಸಾಧ್ಯ ಮಾರಾಯಾ!

- ಬಾಣಭಟ್ಟ