ಹೆಂಡತಿ

ಹೆಂಡತಿ
    ಬಾಸಿಂಗ ಕಟ್ಟಿಸಿಕೊಂಡ ಮೇಲೆ ಬಾಸ್ ಥರ ಆಡುವವಳು
    ಕಟ್ಟಿಕೊಂಡವಳು ಮತ್ತು (ತಾಳಿ) ಕಟ್ಟಿಸಿಕೊಂಡವಳು
    ಗಂಡನ ಮಾತನಾಡುವ ಶ್ರಮವನ್ನು ಸಂಪೂರ್ಣವಾಗಿ ಕಡಿಮೆಗೊಳಿಸುವವಳು
    ಗಂಡ ಬೇರೆಯವರ ಅಧೀನದಲ್ಲಿರುವುದು ಇಷ್ಟವಾಗದ ಕಾರಣ ತನ್ನ ಅಧೀನದಲ್ಲಿಟ್ಟುಕೊಳ್ಳುವವಳು
    ಒಬ್ಬಳಾದರೂ ಹೆಂಡತಿ ಇರುವುದು ಯೋಗ್ಯ... ಅಷ್ಟಕ್ಕೂ ಗತಿಯಿಲ್ಲದ ಕಾರಣ
    ಮಕ್ಕಳಿಗೆ ತಾಯಿ, ಪತಿಗೆ ಟೀಚರ್
    ಗಂಡನ ಪಾಲಿನ ಮಹಾಲಕ್ಷ್ಮೀ; ಇವಳು ಕೊಟ್ಟರೆ ಮಾತ್ರ ಹಣ ಕೆಲವರಿಗೆ
    ಡೈವೋರ್ಸ್ ಕೊಡುವುದಿದ್ದರೆ ಅದು ಈಕೆಗೇ
    ಹೊಸಿಲು ದಾಟಿದ ಮೇಲೆ ಬಿಸಿಲು ಈಕೆ
    ಕೆಲವರಿಗೆ ಓಯಸಿಸ್, ಇನ್ನು ಕೆಲವರಿಗೆ ಓ... ಯೆಸ್... ಯೆಸ್...
    ಸಮಾಧಾನಪಡಿಸುವವಳು, ಚಿವುಟಿಯಾದರೂ...
    'ಮೌಲ್ಯ'ಮಾಪಕಿ
    ಇವಳನ್ನು ಗೆಲ್ಲಲು ಒಂದೇ ಮಾರ್ಗ, ಅದು ಸೋಲುವುದು.

-ವಿಶ್ವನಾಥ ಸುಂಕಸಾಳ
vishwasunkasal@yahoo.com