ಮಜಾ
ಕದ್ದು ಬೀಡಿ ಸೇದುವುದರಲ್ಲಿ ಇರುವಂಥದ್ದು
ಪ್ರಜಾಪ್ರಭುತ್ವ ವ್ಯವಸ್ಥೆಯಲ್ಲಿ ಪ್ರಜೆಗಳ ಹೆಸರಿನಲ್ಲಿ ಪ್ರಭುಗಳು ನಡೆಸೋದು
ಮೂಜಗದ ಜನರೆಲ್ಲರ ಪರಮ ಪುರುಷಾರ್ಥ
ಕುಡಿದು ಕುಪ್ಪಳಿಸಿ ಮಾಡುವ ಮೋಜು ಮಸ್ತಿ ಅನರ್ಥಗಳ ಅನರ್ಥಾಂತರ (ಸಮಾನಾರ್ಥಕ)
ಮೇಜಿನ ಕೆಳಗೆ ಕೈಯ್ಯೊಡ್ಡುವ ಅಧಿಕಾರಿಗಳು ನಡೆಸುವ ಮೇಜವಾನಿ
ಆಜೂ ಬಾಜೂ ಚೆಂದದ ಹುಡುಗಿಯರಿದ್ದರೆ ಕಚೇರಿಯಲ್ಲಿ ಕೆಲಸಕ್ಕಿಂತ ಹೆಚ್ಚು ಮಾಡಲ್ಪಡುವಂಥದ್ದು
ಸಂತಾಪ, ಪರಿತಾಪಗಳನ್ನೆಲ್ಲ ವಜಾ ಮಾಡಿ ಖುಷಿಯ ಹಾಜರಿಗೆ ಕಾರಣವಾಗುವಂಥದ್ದು
ಅವಿವಾಹಿತನಿಗೆ ನಾಗರಿಕ ಸಂವಿಧಾನ ಕೊಟ್ಟಿರುವ ಸ್ವಾತಂತ್ರ್ಯಗಳಲ್ಲಿ ಒಂದು
ರಾಜನಾಗಬೇಕೆಂದು ಕನಸು ಕಾಣುವ ಹಲವರ ಉದ್ದೇಶ
ಕ್ಲಾಸ್‌ಗೆ ಬಂಕ್ ಹಾಕುವುದು, ಕದ್ದು ಮುಚ್ಚಿ ಸಿನಿಮಾಗೆ ಹೋಗುವುದು
ಕ್ಲಾಸಿನಲ್ಲಿ ರಾಕೇಟ್ ಹಾರಿಸಿ ಮಜಾ ಉಡಾಯಿಸುವ ಉಡಾಳ, ವಿಜ್ಞಾನಿಯಾಗಿ ರಾಕೇಟ್ ಉಡಾಯಿಸುವ ಅವಕಾಶ ತಪ್ಪಿಸಿಕೊಳ್ಳುತ್ತಾನೆ
-ವಿಶ್ವನಾಥ ಸುಂಕಸಾಳ
