ಸಾಧ್ಯತೆ
= ಇದನ್ನು ಸುಲಭದಲ್ಲಿ ಅರ್ಥೈಸಬಹುದಾದ ಸಾಧ್ಯತೆ ಕಡಿಮೆಯೇ
= ಬಹುವಾಗಿ ಉಪಯೋಗಿಸಲ್ಪಡುವ 'ಬಹುದು'
= ಆಗಲೂ ಬಹುದು, ಆಗದೇ ಇರಲೂ ಬಹುದು ಎಂಬಂಥ ಸ್ಥಿತಿ ಇದರದ್ದು
= ಭುವಿಯಲ್ಲಿ ಸಂಭವಿಸಬಹುದಾದ ಸಂಭವನೀಯತೆಗಳು
= ಭವದ ಅನುಭವ ಹೆಚ್ಚಿಸುವಂಥ ಅನಿಶ್ಚಿತತೆ
= ಜ್ಯೋತಿಷಿಗಳಿಗೆ, ಹವಾಮಾನ ತಜ್ಞರಿಗೆ ಹೆಚ್ಚು ಉಪಯೋಗಕ್ಕೆ ಬರುವ ಶಬ್ದ
= ಇದು ಸಾಧ್ಯವಾ ಎಂಬ ಅನುಮಾನಕ್ಕೆ ಅನುಮಾನದಲ್ಲೇ ಕೊಡಲ್ಪಡುವ ಉತ್ತರ
= ಎಬಿಲಿಟಿ ಇಲ್ಲದಿದ್ದರೆ ಪಾಸಿಬಿಲಿಟಿಗಾಗಿ ಕಾಯಬೇಕಾಗುತ್ತದೆ
= ಸಾಧ್ಯವೇ ಇಲ್ಲ ಎನ್ನುವಾಗಲೂ ಆಸೆಯನ್ನು ಜೀವಂತವಾಗಿರಿಸುವುದು ಸಾಧ್ಯತೆಗಳೇ
= ಸಾಧ್ಯತೆ ಎಂಬುದಿಲ್ಲದಿದ್ದರೆ ಎಲ್ಲರೂ ಆತ್ಮಹತ್ಯೆ ಮಾಡಿಕೊಳ್ಳಬೇಕಿತ್ತು
= ಪಕ್ಕಾ ಹೇಳಲಾಗದ ಅಪಕ್ವ ಸಂದರ್ಭದಲ್ಲಿ ಉಪಯೋಗಿಸಲ್ಪಡುವ ಶಬ್ದ
-ವಿಶ್ವನಾಥ ಸುಂಕಸಾಳ
vishwasunkasal@yahoo.com
