ಕೋಲ್ಕತ್ತಾ: ಡಬ್ಲ್ಯು ಡಬ್ಲ್ಯು ಇ ಖ್ಯಾತಿಯ ಕುಸ್ತಿ ಪಟು ದಲೀಪ್ ಸಿಂಗ್ ರಾಣ (ದಿ ಗ್ರೇಟ್ ಖಾಲಿ) ಬಿಜೆಪಿ ಅಭ್ಯರ್ಥಿ ಪರ ಪಶ್ಚಿಮ ಬಂಗಾಳದಲ್ಲಿ ಪ್ರಚಾರ ನಡೆಸಿದ್ದಾರೆ.
ಜಾದವ್ ಪುರ ಲೋಕಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಅನುಪಮ್ ಹಜ್ರಾ ನಾಮಪತ್ರ ಸಲ್ಲಿಕೆ ವೇಳೆ ನಡೆದ ಬೃಹತ್ ಸಮಾವೇಶದಲ್ಲಿ ದಲೀಪ್ ಸಿಂಗ್ ರಾಣಾ ಭಾಗವಹಿಸಿ ತಮ್ಮ ಸ್ನೇಹಿತನ ಪರ ಪತಯಾಚನೆ ಮಾಡಿದ್ದಾರೆ.
ಪಕ್ಷ ವಿರೋಧಿ ಚಟುವಟಿಕೆ ಹಿನ್ನೆಲೆ ತೃಣಮೂಲ ಕಾಂಗ್ರೆಸ್ ನಿಂದ ಅನುಪಮ್ ಹಜ್ರಾ ಉಚ್ಚಾಟನೆಗೊಂಡು ಬಿಜೆಪಿ ಸೇರಿದ್ದರು.
ನಾವಿಬ್ಬರು ಸಹೋದರರಂತೆ, ನನ್ನ ತಮ್ಮನನ್ನು ಬೆಂಬಲಿಸಲು ನಾನು ಅಮೆರಿಕಾದಿಂದ ಬಂದಿದ್ದೇನೆ ಎಂದು ಖಲಿ ಹೇಳಿದ್ದಾರೆ. 2014 ರ ಲೋಕಸಭಾ ಚುನಾವಣೆಯಲ್ಲಿ ಬೊಲ್ಪುರ್ ಲೋಕಸಭಾ ಕ್ಷೇತ್ರದಿಂದ ಟಿಎಂಸಿ ಅಭ್ಯರ್ಥಿಯಾಗಿ ಹಜ್ರಾ ಕಣಕ್ಕಿಳಿದು ಗೆದ್ದಿದ್ದರು.
