ಕಳೆದ 8 ತಿಂಗಳುಗಳಿಂದ ಗೆಲುವನ್ನೇ ಕಾಣದ ರಷ್ಯಾ, ತವರಿನ ಪ್ರೇಕ್ಷಕರ ಮುಂದೆಯೇ ಭಾರಿ ಒತ್ತಡದಲ್ಲಿ ಕಣಕ್ಕಿಳಿದಿತ್ತು. ಆದರೆ, 12 ನಿಮಿಷದಲ್ಲೇ ಯುರಿ ಗಜಿನ್ಸ್ಕಿ ರಷ್ಯಾಕ್ಕೆ ಮೊದಲ ಗೋಲು ತಂದುಕೊಟ್ಟರು. ಇದರೊಂದಿಗೆ 21ನೇ ಆವೃತ್ತಿಯ ವಿಶ್ವಕಪ್ ನಲ್ಲಿ ಚೊಚ್ಚಲ ಗೋಲು ಬಾರಿಸಿ ದಾಖಲೆ ಬರೆದರು. ನಿಗದಿತ 90 ನಿಮಿಷಗಳ ಬಳಿಕ ಹೆಚ್ಚುವರಿ ಸಮಯದಲ್ಲಿ ರಷ್ಯಾ 2 ಗೋಲು ದಾಖಲಿಸಿತು. ಡೆನಿಸ್ (90+1 ನಿ)ತಂಡದ ಪರ 4ನೇ ಗೋಲು ಗಳಿಸಿದರೆ, ಅಲೆಕ್ಸಾಂಡರ್ ಗೊಲೊವಿನ್ (90+4) ನಿಮಿಷದಲ್ಲಿ 5ನೇ ಗೋಲು ದಾಖಲಿಸಿ ಗೆಲುವಿನ ಅಂತರವನ್ನು 5-0ಗೇರಿಸಿದರು.