ರಷ್ಯಾದ ಫಿಶ್ಟ್ ಸ್ಟೇಡಿಯಂನಲ್ಲಿ ನಡೆದ ಜರ್ಮನಿ-ಸ್ವೀಡನ್ ನಡುವಿನ ಫೀಫಾ ವಿಶ್ವಕಪ್ ಎಫ್ ಗ್ರೂಪಿನ ಪಂದ್ಯದಲ್ಲಿ ಅಂತಿಮ ಕ್ಷಣದವರೆಗೂ ಗೆಲುವು ಬಿಟ್ಟುಕೊಡದ ಸ್ವೀಡನ್ ನಿಂದ ಜರ್ಮನಿಯ ಟೋನಿ ಕ್ರೂಸ್ ಫ್ರೀ ಕಿಕ್ ಮೂಲಕ ಗೆಲುವು ಕಸಿದರು. ಪಂದ್ಯದ ಆರಂಭದಿಂದಲೇ ಆಕ್ರಮಣಕಾರಿ ಆಟಕ್ಕೆ ಮುಂದಾಗಿ ಜರ್ಮನಿ ಪಂದ್ಯದ 3ನೇ ನಿಮಿಷದಲ್ಲೇ ಗೋಲ್ ಬಾರಿಸುವ ಅವಕಾಶ ಸಿಕ್ಕಿತ್ತು. ಆದರೆ ಈ ಪ್ರಯತ್ನವನ್ನು ಸ್ವೀಡನ್ ಗೋಲ್ ಕೀಪರ್ ತಪ್ಪಿಸಿದರು. ಬಳಿಕ 22ನೇ ನಿಮಿಷದಲ್ಲೂ ಜರ್ಮನಿ ಗೋಲ್ ಬಾರಿಸುವ ಅವಕಾಶದಿಂದ ವಂಚಿತವಾಯಿತು. ಮತ್ತದೇ ಗೋಲ್ ಕೀಪರ್ ರಾಬಿನ್ ಓಲ್ಸೆನ್ ಜರ್ಮನಿಯ ಖಾತೆ ತೆರೆಯುವ ಅವಕಾಶವನ್ನು ತಪ್ಪಿಸಿದರು.