ಸಾಮಗ್ರಿಗಳು
1. ತೊಗರಿಬೇಳೆ- 1 ಪಾವು
2. ತರಕಾರಿ- ಹೀರೆಕಾಯಿ ಅಥವಾ ಟೊಮೆಟೊ ಕಾಯಿ(1/2 ಕೆ.ಜಿ)
3. ಹಸಿಮೆಣಸಿನಕಾಯಿ- 7 ಚಿಕ್ಕದು
4. ಎಣ್ಣೆ- 1 ಟೀ ಚಮಚ
5. ಸಾಸಿವೆ- 1 ಟೀ ಚಮಚ
6. ಉದ್ದಿನಬೇಳೆ- 1 ಟೀ ಚಮಚ
7. ಕಡಲೆಬೇಳೆ- 1 ಟೀ ಚಮಚ
8. ಹಸಿ ಕೊಬ್ಬರಿ- 1 ಬಟ್ಟಲು
9. ಉಪ್ಪು, ಇಂಗು- ರುಚಿಗೆ ತಕ್ಕಷ್ಟು
10. ಕರಿಬೇವು, ಕೊತ್ತಂಬರಿಸೊಪ್ಪು
ಮಾಡುವ ವಿಧಾನ
ಬೇಳೆಯನ್ನು ಸ್ವಲ್ಪ ನೀರಿಟ್ಟು ಬೇಯಿಸಿ. ಎಣ್ಣೆ ಕಾಯಿಸಿ, ಸಾಸಿವೆ ಹಾಕಿ, ಹಸಿಮೆಣಸಿನಕಾಯಿ, ಉದ್ದಿನಬೇಳೆ, ಕಡಲೆಬೇಳೆ ಒಗ್ಗರಣೆ ಮಾಡಿ ಅದರಲ್ಲಿ ತರಕಾರಿಯನ್ನು ಬೇಯಿಸಿ. ಬೆಂದ ಬೇಳೆ, ತರಕಾರಿಯನ್ನು ಬೆರೆಸಿ ಬೇಕಿದ್ದರೆ ಸ್ವಲ್ಪ ನೀರು ಹಾಕಿ. ಕೊತ್ತಂಬರಿ, ಕರಿಬೇವು, ಇಂಗು, ಕೊಬ್ಬರಿ ತುರಿ ಹಾಕಿ ಕುದಿಸಿ. ಇದನ್ನು ಅನ್ನದ ಜೊತೆ ಕಲಸಿಕೊಂಡು ತಿನ್ನುವಾಗ ಜೊತೆಯಲ್ಲಿ ಉಪ್ಪು, ಮೆಣಸಿನಕಾಯಿ, ಕುಂಬಳಕಾಯಿ ಬಾಳಕ, ಸಂಡಿಗೆ, ಹಪ್ಪಳ ಇದ್ದರೆ ಚೆನ್ನ.
ಸೂಚನೆ: ಹೆಸರುಬೇಳೆಯನ್ನು ಹುರಿದು ಬೇಯಿಸಿ.
- ಶ್ರೀದೇವಿ
(ಸಖಿ ಪಾಕ್ಷಿಕದಿಂದ ಆಯ್ದ ಲೇಖನ)
