ಕೋಳಿಯ ಹೊಟ್ಟೆಯ ಸಾಮಾನುಗಳನ್ನು ತೆಗೆದು, ಇಡೀ ಕೋಳಿಯ ಚರ್ಮ ತೆಗೆದುಬಿಡಿ.
ಶುದ್ಧವಾದ ಬಟ್ಟೆಯಲ್ಲಿ ಕೋಳಿಯ ಒಳಗೆ ಹೊರಗೆ ಒರೆಸಿ ತೇವ ತೆಗೆಯಬೇಕು.
ಎದೆಯ ಭಾಗ ತೊಡೆಗಳ ಮೇಲೆ ಆಳವಾಗಿ ಗೀರಿ. ಮೊಸರನ್ನು ತೆಳುವಾದ ಬಟ್ಟೆಯಲ್ಲಿ ಕಟ್ಟಿ ನೀರನ್ನು ತೆಗೆದು ಕೆನೆಯನ್ನ ಉಳಿಸಿಕೊಳ್ಳಿ.
ಅದರೊಂದಿಗೆ ಮೆಣಸಿನಕಾಯಿ, ಶುಂಠಿ ಬೆಳ್ಳುಳ್ಳಿ, ಜೀರಿಗೆ, ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಗಟ್ಟಿ ಮೊಸರಿನಲ್ಲಿ ನುಣ್ಣಗೆ ರುಬ್ಬಿ, ಬಣ್ಣ ಸಾಲದಿದ್ದರೆ ಮಸಾಲೆಗೆ 2 ತೊಟ್ಟು ತಂದುರಿ ಬಣ್ಣ ಸೇರಿಸಿ.
ಒರೆಸಿಟ್ಟ ಕೋಳಿಯ ಒಳ ಹೊರ ಭಾಗಗಳಿಗೆ ಹಚ್ಚಿ ಒಂದೆರಡು ಗಂಟೆ ನೆನೆಸಿ.
ನಂತರ ತಂದೂರಿಯನ್ನು ಒಲೆಯಲ್ಲಿ ಆಗಾಗ ಎಣ್ಣೆ ಸವರುತ್ತಾ ಬೇಯಿಸಿ. ಬಡಿಸುವ ಮೊದಲು ಕೋಳಿಗೆ ನಿಂಬೆರಸ ಸವರಿ. ನಾಟಿ ಕೋಳಿಯಾದ್ದರಿಂದ ರುಬ್ಬುವ ಮಸಾಲೆಗೆ 1 ಸಣ್ಣ ತುಂಟು ಪರಂಗಿಕಾಯಿ ತುರಿ ಸೇರಿಸಿ. ಇದು ಕೋಳಿಯನ್ನು ಮೃದವಾಗಿ ಮಾಡುತ್ತದೆ.
