ಪನ್ನೀರ್ ಕಟ್ಲೆಟ್ - Paneer cutlet recipe in Kannada

ಬೇಕಾಗುವ ಪದಾರ್ಥಗಳು...

• ಪನ್ನೀರ್- 400 ಗ್ರಾಂ

• ಈರುಳ್ಳಿ- 1 ಚಿಕ್ಕದಾಗಿ ಹೆಚ್ಚಿದ್ದು

• ಕ್ಯಾರೆಟ್- 1 ತುರಿದದ್ದು

• ಎಲೆಕೋಸು- 1 ಬಟ್ಟಳು ಚಿಕ್ಕದಾಗಿ ಹೆಚ್ಚಿದ್ದು

• ಕ್ಯಾಪ್ಸಿಕಂ - 1/2 ಚಿಕ್ಕದಾಗಿ ಹೆಚ್ಚಿದ್ದು

• ಆಲೂಗೆಡ್ಡೆ-2 ಬೇಯಿಸಿ ನುಣ್ಣಗೆ ಪುಡಿ ಮಾಡಿದ್ದು

• ಹಸಿಮೆಣಸಿನಕಾಯಿ - 2 ಚಿಕ್ಕದಾಗಿ ಕತ್ತರಿಸಿದ್ದು

• ಕೊತ್ತಂಬರಿ ಸೊಪ್ಪು -ಸ್ವಲ್ಪ

• ಶುಂಠಿಬೆಳ್ಳುಳ್ಳಿ ಪೇಸ್ಟ್ -1 ಚಮಚ

• ಚಾಟ್ ಮಸಾಲ -1 ಚಮಚ

• ಗರಂಮಸಾಲ- ಅರ್ಧ ಚಮಚ

• ಜೀರಿಗೆಪುಡಿ - ಅರ್ಧ ಚಮಚ

• ಅಚ್ಚಖಾರದಪುಡಿ- 1 ಚಮಚ

• ಆಮ್ ಚೂರ್ ಪುಡಿ- ಅರ್ಧ ಚಮಚ

• ಉಪ್ಪು- ರುಚಿಗೆ ತಕ್ಕಷ್ಟು

• ಅರಶಿನ- ಅರ್ಧ ಟೀ ಚಮಚ.

• ಪೇಸ್ಟ್ ತಯಾರಿಸಿಕೊಳ್ಳಲು...

• ಕಾರ್ನ್ ಫೋರ್-4 ಟೇಬಲ್ ಚಮಚ

• ಚಿಲ್ಲಿ ಫ್ಲೆಕ್ಸ್- ಅರ್ಧ ಚಮಚ

• ಬ್ರೆಡ್ ಕ್ರಮ್ಸ್- ಸ್ವಲ್ಪ

• ಎಣ್ಣೆ-ಕರಿಯಲು

ಮಾಡುವ ವಿಧಾನ...

• ಪನ್ನೀರ್‌ ಅನ್ನು ಪುಡಿ ಮಾಡಿಕೊಂಡು ಅದರೊಂದಿಗೆ ಮೇಲೆ ತಿಳಿಸಿರುವ ಎಲ್ಲಾ ಪದಾರ್ಥಗಳನ್ನು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.

• ಬಳಿಕ ತಯಾರಿಸಿಕೊಂಡ ಮಿಶ್ರಣದಿಂದ ದೊಡ್ಡ ದೊಡ್ಡ ಉಂಡೆಗಳನ್ನು ಮಾಡಿಕೊಂಡು ಅದನ್ನು ಸಮತಟ್ಟಾಗಿ ತಟ್ಟಿಕೊಳ್ಳಿ. ಒಂದು ಚಿಕ್ಕ ಬಟ್ಟಲಿಗೆ ಕಾರ್ನ್ ಫ್ಲೋರ್, ಚಿಲ್ಲಿ ಪ್ಲೆಕ್ಸ್ ಮತ್ತು ಸ್ವಲ್ಪ ನೀರನ್ನು ಹಾಕಿ ದೋಸೆ ಹಿಟ್ಟಿನ ಹದದಲ್ಲಿ ಕಲಸಿಕೊಳ್ಳಿ.

• ತಯಾರಿಸಿದ ಪನ್ನೀರ್ ಕಟ್ಲೆಟ್ ಅನ್ನು ಹಿಟ್ಟಿನಲ್ಲಿ ಅದ್ದಿ ನಂತರ ಬ್ರೆಡ್ ಕ್ರಮ್ಸ್‌ ಅದರ ಮೇಲೆ ಮತ್ತು ಸುತ್ತಲೂ ಹರಡಿ. ಎಲ್ಲವನ್ನು ಹೀಗೆ ಮಾಡಿ ತಟ್ಟೆಯಲ್ಲಿಟ್ಟುಕೊಳ್ಳಿ.

• ನಂತರ ಎಣ್ಣೆಯನ್ನು ಬಿಸಿ ಮಾಡಿಕೊಂಡು ತಯಾರಿಸಿಕೊಂಡ ಕಟ್ಲೆಟ್‌ನ್ನು ಹಾಕಿ. ಮಧ್ಯಮ ಉರಿಯಲ್ಲಿ ಎರಡೂ ಬದಿಯನ್ನು ಕೆಂಬಣ್ಣಕ್ಕೆ ಬರುವರೆಗೆ ಬೇಯಿಸಿ ಎಣ್ಣೆಯಿಂದ ತೆಗೆಯಿರಿ. ಇದೀಗ ರುಚಿಕರವಾದ ಪನ್ನೀರ್ ಕಟ್ಲೆಟ್ ಸವಿಯಲು ಸಿದ್ಧ.