ಬರ್ಲಿನ್: ವೈದ್ಯಕೀಯ ಪರೀಕ್ಷೆಗಳನ್ನು ಸಮರ್ಪಕ ವಾಗಿ ನಡೆಸಿಲ್ಲ. ಈ ವರದಿಗಳಲ್ಲಿ ದೋಷಿವಿದೆ ಎಂದು ಭಾರತದ ಔಷಧ ತಯಾರಿಕಾ ಕಂಪನಿ ಜಿವಿಕೆ ತಯಾರಿಸಿರುವ 700 ಔಷಧಿಗಳನ್ನು ಐರೋಪ್ಯ ಒಕ್ಕೂಟ ನಿಷೇಧಿಸಿದೆ.
ಇದು ಭಾರತೀಯ ಔಷಧ ಕಂಪನಿಯೊಂದಕ್ಕೆ ಆಗಿರುವ ಅತಿದೊಡ್ಡ ಹಿನ್ನಡೆಯಾಗಿದೆ. ಯೂರೋಪ್ ಆಯೋಗ ಈ ಕುರಿತು ಆದೇಶ ಹೊರಡಿಸಿದ್ದು ಆಗಸ್ಟ್ 21ರಿಂದ ಕಾರ್ಯರೂಪಕ್ಕೆ ಬರಲಿದೆ. ಐರೋಪ್ಯ ಒಕ್ಕೂಟದ ಎಲ್ಲ 28 ದೇಶಗಳು ಈ ಔಷಧಿಗಳ ಮಾರಾಟ ಮತ್ತು ವಿತರಣೆಯನ್ನು ಸ್ಥಗಿತಗೊಳಿಸಲಿವೆ.
ಐರೋಪ್ಯ ಒಕ್ಕೂಟದ ಔಷಧ ನಿಯಂತ್ರಣ ಪ್ರಾಧಿಕಾರವಾದ ಯೂರೋಪಿಯನ್ ಮೆಡಿಸಿನ್ ಏಜೆನ್ಸಿ (ಇಎಂಎ) ಶಿಫಾರಸಿನ ಮೇರೆಗೆ ಆಂಯೋಗ ಈ ಕ್ರಮ ಕೈಗೊಂಡಿದೆ. ಜಿವಿಕೆ ಹೈದರಾಬಾದ್ ಮೂಲದ ಕಂಪನಿಯಾಗಿದ್ದು ಇದು ತಯಾರಿಸಿದ ಔಷಧಿಗಳ ಫಲದಾಯಕತೆ ಮತ್ತು ಪರಿಣಾಮದ ಕುರಿತು ವೈದ್ಯಕೀಯ ಪರೀಕ್ಷೆಗಳನ್ನು ನಡೆಸಿರುವ ಕುರಿತ ವರದಿಗಳನ್ನು ತನ್ನ ಅನುಕೂಲಕ್ಕೆ ಅನುಗುಣವಾಗಿ ರೂಪಿಸಲಾಗಿದೆ ಎಂದು ಇಎಂಎ ಹೇಳಿದೆ.
