ಬೆಂಗಳೂರು: ಹೆಸರಾಂತ ಶಿಶುವೈದ್ಯ ಡಾ. ಡಿ.ಜಿ. ಬೆನಕಪ್ಪ ಅವರು ಜಯನಗರದಲ್ಲಿನ ಅವರ ನಿವಾಸದಲ್ಲಿ ಮಂಗಳವಾರ ಮಧ್ಯಾಹ್ನ ಹೃದಯಾಘಾತದಿಂದ ನಿಧನರಾದರು. ಅವರಿಗೆ 86 ವರ್ಷ ವಯಸ್ಸಾಗಿತ್ತು.
ಅವರು ಪತ್ನಿ ಸುವರ್ಣ ಬೆನಕಪ್ಪ, ಮಕ್ಕಳಾದ ಆಶಾ ಬೆನಕಪ್ಪ ಮತ್ತು ಡಾ. ನವೀನ್ ಬೆನಕಪ್ಪ ಮತ್ತು ಮೂವರು ಮೊಮ್ಮಕ್ಕಳನ್ನು ಅಗಲಿದ್ದಾರೆ.
ಎರಡು ಬಾರಿ ಡಾ. ಬಿಸಿ ರಾಯ್ ರಾಷ್ಟ್ರ ಪ್ರಶಸ್ತಿ ಪಡೆದಿದ್ದ ಡಾ. ಬೆನಕಪ್ಪ ಅವರು, ದೇಶಾದ್ಯಂತ ಸಾವಿರಾರು ಶಿಶುವೈದ್ಯರಿಗೆ ತರಬೇತಿ ನೀಡಿದ್ದರು. ಬೆನಕಪ್ಪ ಅವರು ಬೆಂಗಳೂರಿನ ಇಂದಿರಾ ಗಾಂಧಿ ಮಕ್ಕಳ ಆರೋಗ್ಯ ಸಂಸ್ಥೆಯ ನಿರ್ದೇಶಕರಾಗಿ ಸೇವೆ ಸಲ್ಲಿಸಿದ್ದರು.
