ಬೆಂಗಳೂರಿಗರೇ ಎಚ್ಚರ.. ನಗರದಲ್ಲಿ ಡೆಲ್ಟಾ ರೂಪಾಂತರದ 2 ಉಪ ವಂಶಾವಳಿ ಪತ್ತೆ!

ಮಾರಕ ಕೊರೋನಾ ವೈರಸ್ ಸಾಂಕ್ರಾಮಿಕದ 3ನೇ ಅಲೆಯ ಭೀತಿ ನಡುವೆಯೇ ಇತ್ತ ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ಮಾರಕ ಡೆಲ್ಟಾ ರೂಪಾಂತರದ ಎರಡು ಉಪ-ವಂಶಾವಳಿ ವೈರಸ್ ಪ್ರಭೇದಗಳು ಪತ್ತೆಯಾಗಿವೆ.

Published: 09th September 2021 10:31 AM  |   Last Updated: 09th September 2021 01:21 PM   |  A+A-


Delta-variant-in-Bengaluru

ಡೆಲ್ಟಾ ರೂಪಾಂತರದ 2 ಉಪ ವಂಶಾವಳಿ

The New Indian Express

ಬೆಂಗಳೂರು: ಮಾರಕ ಕೊರೋನಾ ವೈರಸ್ ಸಾಂಕ್ರಾಮಿಕದ 3ನೇ ಅಲೆಯ ಭೀತಿ ನಡುವೆಯೇ ಇತ್ತ ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ಮಾರಕ ಡೆಲ್ಟಾ ರೂಪಾಂತರದ ಎರಡು ಉಪ-ವಂಶಾವಳಿ ವೈರಸ್ ಪ್ರಭೇದಗಳು ಪತ್ತೆಯಾಗಿವೆ.

ಹೌದು.. ದೈನಂದಿನ ಸೋಂಕು ಪ್ರಕರಗಳಲ್ಲಿನ ಇಳಿಕೆ ಕುರಿತು ಕೋವಿಡ್-19 ಅಂಕಿಅಂಶಗಳ ಕುರಿತು ರಾಜ್ಯ ವಾರ್ ರೂಂನ ದೈನಂದಿನ ಬುಲೆಟಿನ್ ಒಂದು ಧೈರ್ಯ ತುಂಬುವ ಚಿತ್ರಣವನ್ನು ಪ್ರಸ್ತುತಪಡಿಸಿದರೆ, ಮತ್ತೊಂದೆಡೆ SARSCoV-2 ಡೆಲ್ಟಾ ರೂಪಾಂತರದ ಎರಡು ಉಪ-ವಂಶಾವಳಿಗಳಾದ-AY4  ಮತ್ತು AY12-ಬೆಂಗಳೂರಿನ ಮಾದರಿಗಳಲ್ಲಿ ಪತ್ತೆಯಾಗಿದ್ದು, ಬದಲಾಗುತ್ತಿರುವ ವೈರಸ್ ಬಗ್ಗೆ ತಜ್ಞರಲ್ಲಿ ಆತಂಕ ಮೂಡಿಸಿದೆ. ಮತ್ತು ಈ ಉಪ ವಂಶಾವಳಿಗಳು ವ್ಯಾಕ್ಸಿನೇಷನ್ ಮೂಲಕ ಉತ್ಪತ್ತಿಯಾಗುವ ಪ್ರತಿಕಾಯಗಳನ್ನು ತಪ್ಪಿಸುವ ಸಾಮರ್ಥ್ಯವನ್ನು ಅಭಿವೃದ್ಧಿಪಡಿಸುವ ಸಾಧ್ಯತೆ ಎಂದು ಹೇಳಲಾಗಿದೆ.

ಇದನ್ನೂ ಓದಿ: ಕೋವಿಡ್‌-19: ಖಾಸಗಿ ಆಸ್ಪತ್ರೆಗಳ ದರ ನಿಗದಿ ಬಗ್ಗೆ ಪ್ರಚಾರ ಅಗತ್ಯ; ಹೈಕೋರ್ಟ್

ಸ್ಟ್ರಾಂಡ್ ಲೈಫ್ ಸೈನ್ಸಸ್ ಎಂಬ ಸಂಸ್ಥೆಯ ಈ ವೈರಸ್ ಉಪ ವಂಶಾವಳಿಯ ಸೀಕ್ವೆನ್ಸಿಂಗ್ ಮಾಡಿದ್ದು, ಕೋವಿಡ್ ಟಾಸ್ಕ್ ಫೋರ್ಸ್ ಕರ್ನಾಟಕದಲ್ಲಿ ಜಿನೋಮ್ ಸೀಕ್ವೆನ್ಸಿಂಗ್ ಆರಂಭಿಸಲು ಆದೇಶ ಹೊರಡಿಸಿತ್ತು. ಇದು ರಾಜ್ಯದ ರೂಪಾಂತರಗಳ ಟ್ರೆಂಡ್‌ಗಳನ್ನು ಪತ್ತೆಹಚ್ಚಲು ಸಹಾಯ ಮಾಡುತ್ತದೆ. ಈ  ಅನುಕ್ರಮವು ಡೆಲ್ಟಾ AY4 ರೂಪಾಂತರದಲ್ಲಿ ಶೇಕಡಾ 30 ರಷ್ಟು ರೂಪಾಂತರವನ್ನು ಬಹಿರಂಗಪಡಿಸಿತು. ಆದರೆ ಇದು AY12 ನಲ್ಲಿನ ರೂಪಾಂತರ ಕೇವಲ 3 ಪ್ರತಿಶತವಾಗಿತ್ತು. ಆದರೆ ಹಿರಿಯ ವೈದ್ಯರೊಬ್ಬರು, ಜೀನೋಮ್ ಸೀಕ್ವೆನ್ಸಿಂಗ್‌ ಬಗ್ಗೆ ದಿ ನ್ಯೂ ಇಂಡಿಯನ್ ಎಕ್ಸ್‌ಪ್ರೆಸ್‌ಗೆ ಖಾಸಗಿಯಾಗಿ  ವಿವರಿಸಿದರು.

ಈ ಬಗ್ಗೆ ಮಾಹಿತಿ ನೀಡಿದ ಅವರು, 'ಸ್ವಲ್ಪಮಟ್ಟಿಗೆ ರೂಪಾಂತರವಾದರೂ, ಇವುಗಳಿಂದ ಉಂಟಾಗುವ ಪರಿಣಾಮಗಳ ಕುರಿತು ಯಾವುದೇ ಅಧ್ಯಯನಗಳು ನಡೆದಿಲ್ಲವಾದ್ದರಿಂದ ನಾವು ಸುಮ್ಮನಿರಲಾಗುವುದಿಲ್ಲ. ಈ ಕುರಿತ ಅಧ್ಯಯನಗಳು ಮುಂದುವರೆಯುತ್ತವೆ. ಇದು ಡೆಲ್ಟಾ ರೂಪಾಂತರಕ್ಕಿಂತ ಕಡಿಮೆ  ರೂಪಾಂತರವಾಗಿದೆ ಎಂದು ಸಾಮಾನ್ಯ ವ್ಯಕ್ತಿಗಳು ಭಾವಿಸುತ್ತಾರೆ. ಆದರೆ ವೈರಾಲಜಿಸ್ಟ್‌ಗಳು ಜಾಗತಿಕವಾಗಿ ಅದು ನಿಜವಲ್ಲ, ಏಕೆಂದರೆ ಅದು ಅದರ ಸ್ವರೂಪವನ್ನು ಸ್ವಲ್ಪವಾದರೂ ಬದಲಾಯಿಸುತ್ತಿದೆ. ವೈರಸ್ ಬೇರೆ ಬೇರೆ ರೂಪಾಂತರಗಳನ್ನು ಪಡೆಯಲು ಸಹಾಯ ಮಾಡಬಹುದು. ಅದು ಖಂಡಿತವಾಗಿಯೂ  ಬದಲಾಗುತ್ತಿದೆ ಮತ್ತು ಇದಕ್ಕೆ ಹತ್ತಿರದ ಪರೀಕ್ಷೆಯ ಅಗತ್ಯವಿದೆ. ಡೆಲ್ಟಾದ ಉಪ-ವಂಶಾವಳಿ ವೈರಸ್ ಪ್ರಭೇಧಗಳು ಬೆಂಗಳೂರು ನಗರದಾದ್ಯಂತ ಹರಡಿವೆ ಮತ್ತು ಹೊಸ ರೂಪಾಂತರಗಳನ್ನು ಪಡೆಯುತ್ತಿವೆ ಎಂದು ವಿಶ್ಲೇಷಣೆಯಲ್ಲಿ ಹೇಳಿದೆ.

ಇದನ್ನೂ ಓದಿ: ರಾಜ್ಯದಲ್ಲಿ ಮುಂದುವರೆದ ಕೊರೋನಾ ಏರಿಳಿತ: ಇಂದು 1,102 ಪ್ರಕರಣ ಪತ್ತೆ; 17 ಸಾವು, 4 ಜಿಲ್ಲೆಗಳಲ್ಲಿ ಪ್ರಕರಣ ಶೂನ್ಯ!

ಭಾರತದ SARS-CoV-2 ಜೀನೋಮಿಕ್ಸ್ ಕನ್ಸೋರ್ಟಿಯಂ (INSACOG) ನ ಇತ್ತೀಚಿನ ಬುಲೆಟಿನ್ ಪ್ರಕಾರ, AY12 ಉಪವರ್ಗವು ಇಸ್ರೇಲ್‌ನಲ್ಲಿ ಕೋವಿಡ್ -19 ಉಲ್ಬಣಕ್ಕೆ ಕಾರಣವಾಗಿದೆ, ಆ ದೇಶದ ಜನಸಂಖ್ಯೆಯ ಶೇಕಡಾ 60 ರಷ್ಟು ಲಸಿಕೆಯಿಂದ ಕೂಡಿದೆಯಾದರೂ ಅಲ್ಲಿ ಸೋಂಕು  ಪ್ರಕರಣಗಳ ಹೆಚ್ಚಳಕ್ಕೆ  AY12 ಉಪವರ್ಗ ಪ್ರಮುಖ ಕಾರಣವಾಗಿದೆ ಎಂದು ಹೇಳಿತ್ತು.

ಜಾಗತಿಕ ಡೇಟಾಬೇಸ್‌ಗಳಲ್ಲಿ ಇನ್ನೂ ಅನೇಕ ರೂಪಾಂತರಗಳನ್ನು ವರದಿ ಮಾಡಲಾಗಿಲ್ಲ
ಇನ್ನು ಹೊಸ ವಂಶಾವಳಿಗಳನ್ನು ಒಕ್ಕೂಟವು ಸೂಕ್ಷ್ಮವಾಗಿ ಗಮನಿಸುತ್ತಿದೆ. ಕಳವಳಕಾರಿ ಸಂಗತಿಯೆಂದರೆ, ಹಲವು ರೂಪಾಂತರಗಳು ಇನ್ನೂ ಜಾಗತಿಕ ಮಟ್ಟದಲ್ಲಿ ವರದಿಯಾಗಿಯೇ ಇಲ್ಲ. ಜಾಗತಿಕ ಅಧಿಕೃತ ದತ್ತಾಂಶಗಳ ಪಟ್ಟಿಯಲ್ಲಿ ಇವುಗಳ ಬಗ್ಗೆ ಇನ್ನೂ ವರದಿಯಾಗಿಲ್ಲ. N439K, N440Y/T/F,  L441Y/S/G/A/C/D/V/I, D442I/V/Y/F , S443E/V/Y/W/F ಮತ್ತು K444F/N/V/T/S/V ಈ ಪ್ರಭೇಧಗಳು AY4 ಮತ್ತು AY12 ಡೆಲ್ಟಾ ರೂಪಾಂತರಗಳಲ್ಲಿ ಕಂಡುಬಂದಿರುವ ಉಪ ರೂಪಾಂತರಗಳಾಗಿವೆ.

ಇದನ್ನೂ ಓದಿ: ಎಲ್ಲಾ ಕೋವಿಡ್-19 ಲಸಿಕೆಗಳು ಪರಿಣಾಮಕಾರಿ, ಸುಲಭವಾಗಿ ದೊರೆಯುವ ಲಸಿಕೆ ಪಡೆಯಿರಿ: ತಜ್ಞರ ಸಲಹೆ

ಈ ಹಿಂದಿನ ಅಧ್ಯಯನಗಳ ಪ್ರಕಾರ, N439K ರೂಪಾಂತರವು ವೈರಸ್‌ನ ಫಿಟ್ನೆಸ್ ಅನ್ನು ಸುಗಮಗೊಳಿಸುತ್ತದೆ ಮತ್ತು ಪ್ರತಿಕಾಯ ರಕ್ಷಣೆಯನ್ನು ತಪ್ಪಿಸಲು ಅನುವು ಮಾಡಿಕೊಡುತ್ತದೆ.  ಅಂದರೆ ಇವುಗಳು ವೈರಸ್‌ನ ನಡವಳಿಕೆಯನ್ನು ಬದಲಾಯಿಸಬಹುದು ಎನ್ನಲಾಗಿದೆ. ಇನ್ನು ರಾಜ್ಯ ಸರ್ಕಾರಕ್ಕೆ ಸಲ್ಲಿಸಿದ  ವರದಿಯು ಈ ರೂಪಾಂತರಗಳ ಆವರ್ತನದಲ್ಲಿ ಯಾವುದೇ ಹೆಚ್ಚಳವಾಗಿದೆಯೇ ಎಂದು ನೋಡಲು ಪ್ರಕರಣಗಳನ್ನು ಸೂಕ್ಷ್ಮವಾಗಿ ಗಮನಿಸಲು ಕೋರಿದೆ. 
 


Stay up to date on all the latest ರಾಜ್ಯ news
Poll
RBI

ರೈತರಿಗೆ ಕೃಷಿ ಸಾಲ ನೀಡಲು CIBIL ಸ್ಕೋರ್ ಪರಿಗಣಿಸುವ ಆರ್‌ಬಿಐ ಮತ್ತು ಕೇಂದ್ರ ಸರ್ಕಾರದ ನೀತಿ ಸರಿಯೇ?


Result
ಸರಿ
ತಪ್ಪು

Comments

Disclaimer : We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

flipboard facebook twitter whatsapp