ನವದೆಹಲಿ: ದಸರಾ ಆಚರಣೆ ಹಿನ್ನೆಲೆಯಲ್ಲಿ ದೇಶದ ಜನತೆಗೆ ಶುಭಾಷಯ ಕೋರಿರುವ ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ, ದೇಶದ ಜನರು ಒಗ್ಗಟ್ಟಿನಿಂದ ಇರುವಂತೆ ಕರೆ ನೀಡಿದ್ದಾರೆ.
ಸಹಾನುಭೂತಿ, ಪ್ರೀತಿ ಮತ್ತು ಸಹೋದರತ್ವ ದೇಶದ ವಿಭಜನೆಯನ್ನು ಬಯಸುವ ದುಷ್ಟ ಶಕ್ತಿಗಳ ಮೇಲೆ ಮೇಲುಗೈ ಸಾಧಿಸುವ ಶಕ್ತಿ ಹೊಂದಿದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ದಸರಾ ಹಬ್ಬ ದುಷ್ಟತೆ ವಿರುದ್ಧ ಒಳ್ಳೆಯದರ ಗೆಲುವಿನ ಸಂಕೇತವಾಗಿದೆ. ನಾವೆಲ್ಲರೂ ದೇಶದ ಅಭಿವೃದ್ಧಿಯೆಡೆಗೆ ಒಗ್ಗಟ್ಟಿನಿಂದ ಸಾಗೋಣ, ಗೆಲುವು ಸದ್ಗುಣ, ಒಳ್ಳೆಯತನ ಮತ್ತು ಸದಾಚಾರಗಳನ್ನು ಪಾಲಿಸುವವರ ಪರವಾಗಿರಲಿದೆ ಎಂಬುದನ್ನು ದಸರಾ ಹಬ್ಬ ನೆನಪಿಸುತ್ತದೆ ಎಂದು ಪ್ರಣಬ್ ಮುಖರ್ಜಿ ಟ್ವೀಟ್ ಮಾಡಿದ್ದಾರೆ.
ಅ.22 ರಂದು ದೇಶಾದ್ಯಂತ ಆಯುಧ ಪೂಜೆ ನಡೆಯುತ್ತಿದ್ದು, ಪ್ರಧಾನಿ ನರೇಂದ್ರ ಮೋದಿ, ಕಾಂಗ್ರೆಸ್ ಅಧ್ಯಕ್ಷೆ ಸೋನಿಯಾ ಗಾಂಧಿ ಸಹ ದೇಶದ ಜನತೆಗೆ ಶುಭಕೋರಿದ್ದಾರೆ.
