ಪಾಟ್ನಾ: ಸಹೋದ್ಯೋಗಿಯನ್ನು ಹತ್ಯೆಗೈದು ತಾನೂ ಗುಂಡು ಹಾರಿಸಿಕೊಂಡು ಸತ್ತ ಸೈನಿಕ

ಪಾಟ್ನಾ: ಸೈನಿಕನೋರ್ವ ತನ್ನ ಸಹೋದ್ಯೋಗಿಯನ್ನು ಗುಂಡಿಕ್ಕಿ ಕೊಂದ ನಂತರ ತಾನೂ ಗುಂಡಿಕ್ಕಿಕೊಂಡು ಸತ್ತ ಘಟನೆ ಬಿಹಾರದ ರಾಜಧಾನಿ ಪಾಟ್ನಾ ದಲ್ಲಿ ನಡೆದಿದೆ.

ಇಬ್ಬರೂ ಭಾರತೀಯ ಸೇನೆಯ ಪದಾತಿ ದಳದ ಬಿಹಾರ ರೆಜಿಮೆಂಡ್ ನ ಜವಾನರು. ಬಿಹಾರ ರೆಜಿಮೆಂಟ್ ನ ಕೇಂದ್ರ ಕಛೇರಿ ಪಾಟ್ನಾ ದ ದನಾಪುರದಲ್ಲಿದೆ.

ಸಂತೋಷ್ ಕುಮಾರ್ ಸಿಂಗ್ ತನ್ನ ಸಹೋದ್ಯೋಗಿ ರಿಂಕೇಶ್ ಕುಮಾರ್ ಅವರನ್ನು ಗುಂಡಿಕ್ಕಿ ಕೊಂದ ಬಳಿಕ ನಂತರ ತಾನೂ ಗುಂಡು ಹಾರಿಸಿಕೊಂಡು ಸತ್ತಿದ್ದಾರೆ. ಇಬ್ಬರ ಮೃತದೇಹಗಳು ಪಾಟ್ನಾ ದ ದನಾಪುರದ ಮಂಗಳಂ ಕಾಲೋನಿ ಬಾಡಿಗೆ ಮನೆಯಲ್ಲಿ ಪತ್ತೆಯಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಘಟನಾ ಸ್ಥಳದಲ್ಲಿ ಅವರು ಬಳಸಿದ್ದ ರೈಫಲ್ ಸಹ ದೊರಕಿದೆ. ಘಟನೆಯ ಬಗ್ಗೆ ಪೊಲೀಸರು ತನಿಖೆ ಆರಂಭಿಸಿದ್ದಾರೆ.

"ಇಬ್ಬರೂ ಕೆಟ್ತ ಪದಗಳನ್ನು ಬಳಸಿ ಜಗಳವಾಡುತ್ತಿದ್ದರು. ಅದೇನು ಕಾರಣಕ್ಕೋ ಆ ಜಗಳ ತಾರಕಕ್ಕೆ ಹೋಗಿತು. ಅಂತಿಮವಾಗಿ ಇಬ್ಬರೂ ಗುಂಡು ಹಾರಿಸಿಕೊಂಡಿದ್ದಾರೆ"  ಎಂದು  ನೆರೆಮನೆಯಲ್ಲಿ ವಾಸಿಸುತ್ತಿದ್ದವರು ಪೊಲೀಸರಿಗೆ ತಿಳಿಸಿದ್ದಾರೆ. "ಸಾವಿಗೆ ನಿಜವಾದ ಕಾರಣವನ್ನು ಪೋಲೀಸರು ಪತ್ತೆ ಮಾದಲಿದ್ದಾರೆ" ಎಂದು ಜಿಲ್ಲಾ ಪೊಲೀಸ್ ವರಿಷ್ಠರು ತಿಳಿಸಿದ್ದಾರೆ.