ಕಾಲೇಜು ನಂತರ ಮೀನು ಮಾರುತ್ತಿದ್ದ ವಿದ್ಯಾರ್ಥಿನಿ ಹನನ್ ಹಮೀದ್ ಗೆ ಅಪಘಾತ: ಗಂಭೀರ ಗಾಯ

ತಿರುವನಂತಪುರ: ಕಾಲೇಜು ಮುಗಿದ ನಂತರ ತನ್ನ ಕುಟುಂಬದವರನ್ನು ಸಾಕಲು ಮೀನು ಮಾರಾಟ ಮಾಡುತ್ತಿದ್ದ ಹನನ್ ಹಮೀದ್ ಕಥೆ ಇತ್ತೀಚೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿತ್ತು, ಹನನ್ ಹಮೀದ್ ರಸ್ತೆ ಅಫಘಾತದಲ್ಲಿ ತೀವ್ರವಾಗಿ ಗಾಯಗೊಂಡಿದ್ದು, ಆಕೆಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. 

ಸೋಮವಾರ ಬೆಳಗ್ಗೆ ಕುಡಂಗಲೂರ್ ನಲ್ಲಿ ಅಪಘಾತ ವಾಗಿದ್ದು,  ಬೆನ್ನಿನ ಮೂಳೆಗೆ ಗಂಭೀರ ಗಾಯಗಳಾಗಿರುವ ಆಕೆಯನ್ನು ಕೊಚ್ಚಿಯ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. 

ಕೋಜಿಕೋಡ್ ನಲ್ಲಿ ಮಳಿಗೆಯೊಂದನ್ನು ಉದ್ಘಾಟಿಸಿ ವಾಪಸ್ ಬರುವಾಗ ಈ ಅಪಘಾತ ಸಂಭವಿಸಿದೆ,  ಹನನ್ ಚಲಿಸುತ್ತಿದ್ದ ಕಾರು, ರಸ್ತೆ ದಾಟುತ್ತಿದ್ದ ಮತ್ತೊಬ್ಬ ವ್ಯಕ್ತಿಯನ್ನು ರಕ್ಷಿಸಲು ಹೋಗಿ ವಿದ್ಯುತ್ ಕಂಬಕ್ಕೆ ಡಿಕ್ಕಿ ಹೊಡಿದಿದೆ. ಚಾಲಕನಿಗೆ ಯಾವುದೇ ಗಾಯಗಳಾಗಿಲ್ಲ, ಹನನ್ ಗೆ ಐಸಿಯು ನಲ್ಲಿ ಚಿಕಿತ್ಸೆ ಕೊಡಿಸಲಾಗುತ್ತಿದೆ.

ಮಲಯಾಳಂ ನ ಮಾತೃಭೂಮಿ ಪತ್ರಿಕೆಯಲ್ಲಿ ಹನನ್ ಬಡತನದ ಬಗ್ಗೆ ಲೇಖನ ಪ್ರಕಟವಾಗಿ ಸಾಮಾಜಿಕ ಜಾಲಾತಾಣದಲ್ಲಿ ವೈರಲ್ ಆಗಿತ್ತು.