ಉತ್ತರಾಖಂಡ್: ಈಶಾನ್ಯ ಲಡಾಖ್ ನ ಗಡಿ ಭಾಗದಲ್ಲಿ ಚೀನಾ ಕಟ್ಟಡ ನಿರ್ಮಾಣ ಚಟುವಟಿಕೆಗಳು ಬೆಳಕಿಗೆ ಬಂದ ಬೆನ್ನಲ್ಲೇ ಉತ್ತರಾಖಂಡ್ ಗೆ ಸೇರಿಕೊಂಡಂತೆ ಇರುವ ಗಡಿ ಭಾಗದಲ್ಲಿಯೂ ಚೀನಾ ಚಟುವಟಿಕೆಗಳು ಭರದಿಂದ ಸಾಗಿದೆ.
ನೇಪಾಳದ ಟಿಂಕರ್-ಲಿಪು ಪಾಸ್ ಗೆ ತೀರಾ ಹತ್ತಿರದಲ್ಲಿರುವ ಚೀನಾ ಭಾಗದಲ್ಲಿ ಗುಡಿಸಲು ತರಹದ ರಚನೆಗಳು ಕಂಡುಬಂದಿದೆ.
ಭಾರತೀಯ ಭದ್ರತಾ ಪಡೆಗಳು ಚೀನಾ ಲಿಬರೇಷನ್ ಸೇನೆಯ ಸಿಬ್ಬಂದಿಗಳ ಚಟುವಟಿಕೆಗಳ ಮೇಲೆ ಕಣ್ಣಿರಿಸಿವೆ.
ನೇಪಾಳ-ಭಾರತದ ಗಡಿಗೆ ಹೊಂದಿಕೊಂಡಂತೆ ಇರುವ ಲಿಪು ಲೇಖ್ ಬಳಿ ಚೀನಾದ ಸೇನಾ ಸಿಬ್ಬಂದಿ ನಿಯೋಜನೆ ಮಾಡಿದ್ದು 150 ಲೈಟ್ ಕಂಬೈನ್ಡ್ ಆರ್ಮ್ಸ್ ಬ್ರಿಗೇಡ್ ನ್ನು ನಿಯೋಜನೆ ಮಾಡಿದೆ.
