ನವದೆಹಲಿ: ರಾಷ್ಟ್ರಪತಿಯವರ ಔದ್ಯೋಗಿಕ ವಸತಿ ರಾಷ್ಟ್ರಪತಿ ಭವನ ಶೀಘ್ರದಲ್ಲೇ ಸ್ಮಾರ್ಟ್ ಸಿಟಿಯಾಗಿ ಬದಲಾಗಲಿದೆ.
ರಾಷ್ಟ್ರಪತಿ ಭವನದಲ್ಲಿ ಡಿಜಿಟಲ್ ಟ್ರಾನ್ಸ್‌ಫೋರ್ಮೇಷನ್ ನಿಯೋಜನೆ ಮಾಡಲಾಗುವುದು ಎಂದು ಮಲ್ಟಿ ನ್ಯಾಷನಲ್ ತಂತ್ರಜ್ಞಾನ ದಿಗ್ಗಜ ಐಬಿಎಂ ಗುರುವಾರ ಹೇಳಿದೆ.
330 ಎಕರೆ ವ್ಯಾಪ್ತಿಯಲ್ಲಿ ಸುಮಾರು 5,000 ಕ್ಕೂ ಹೆಚ್ಚು ಮನೆಗಳಿರುವ ರಾಷ್ಟ್ರಪತಿಗಳ ಎಸ್ಟೇಟ್‌ನಲ್ಲಿ ಐಬಿಎಂ ಡಿಜಿಟಲ್ ಟ್ರಾನ್ಸ್‌ಫೋರ್ಮೇಷನ್ ವ್ಯವಸ್ಥೆಯನ್ನು ಐಬಿಎಂ ಕಲ್ಪಿಸಲಿದೆ. ಅದೇ ವೇಳೆ ಇಲ್ಲಿನ ಎಸ್ಟೇಟ್‌ನ್ನು ಸ್ಮಾರ್ಟ್ ಸಿಟಿಯನ್ನಾಗಿಸಿ ಉತ್ತಮ ಸೌಕರ್ಯಗಳನ್ನೊದಗಿಸಲಾಗುವುದು ಎಂದು ಐಬಿಎಂ ಹೇಳಿದೆ.
ರಾಷ್ಟ್ರಪತಿ ಭವನವನ್ನು ಸ್ಮಾರ್ಟ್ ಸಿಟಿಯಾಗಿಸುವ ಬಗ್ಗೆ ಖುಷಿ ವ್ಯಕ್ತಪಡಿಸಿ ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ ರಾಷ್ಟ್ರಪತಿ ಭವನದಲ್ಲಿ ಇನ್ಮುಂದೆ 4 ಹೆಚ್, ಹ್ಯೂಮೆನ್, ಹೈಟೆಕ್, ಹೆರಿಟೇಜ್, ಹ್ಯಾಪಿ ಟೌನ್‌ಶಿಪ್ ಸಾಧ್ಯವಾಗಲಿದೆ ಎಂದಿದ್ದಾರೆ.
