ಜಗದ್ವಿಖ್ಯಾತ ಲೇಖಕ ಪೌಲೊ ಕೊಯೆಲೊ ಗಮನ ಸೆಳೆದ ಪುಸ್ತಕಪ್ರೇಮಿ ಮಲಯಾಳಿ ರಿಕ್ಷಾ ಡ್ರೈವರ್

ಕೊಚ್ಚಿ: ಕೇರಳದ ಕೊಚ್ಚಿಯಲ್ಲಿ ರಿಕ್ಷಾ ಡ್ರೈವರ್ ಆಗಿ ವೃತ್ತಿ ನಿರ್ವಹಿಸುತ್ತಿರುವ ಪ್ರದೀಪ್ ಎಂಬುವವರಿಗೆ ಜಗದ್ವಿಖ್ಯಾತ ಲೇಖಕ ಪೌಲೊ ಕೊಯೆಲೊ ಟ್ವಿಟ್ಟರ್ ಮೂಲಕ ಅಭಿನಂದನೆ ಸಲ್ಲಿಸಿರುವ ಘಟನೆ ನಡೆದಿದೆ. 

ಎಲ್ಲಿಯ ಪೌಲೊ ಕೊಯೆಲೊ, ಎಲ್ಲಿಯ ಕೇರಳದ ರಿಕ್ಷಾ ಡ್ರೈವರ್ ಪ್ರದೀಪ್ ಎಂಬ ಪ್ರಶ್ನೆ ಯಾರಿಗೇ ಆದರೂ ಮೂಡುವುದು ಸಹಜ. 

ರಿಕ್ಷಾ ಡ್ರೈವರ್ ಪ್ರದೀಪ್ ಕೊಚ್ಚಿಯಲ್ಲಿ ಪೌಲೊ ಕೊಯೆಲೊ ಅವರ ಅಪ್ಪಟ ಅಭಿಮಾನಿ. ಅವರ ರಿಕ್ಷಾಗೆ ಪೌಲೊ ಕೊಯೆಲೊ ಎಂದೇ ಹೆಸರನ್ನಿಟ್ಟಿದ್ದಾರೆ. ರಿಕ್ಷಾ ಹಿಂದುಗಡೆ ಪೌಲೊ ಕೊಯೆಲೊ ಅಂತ ಬರೆದರೆ, ಮುಂದುಗಡೆ ಕೊಯೆಲೊ ಅವರ ಜಗತ್ಪ್ರಸಿದ್ಧ ಪುಸ್ತಕ ಆಲ್ಕೆಮಿಸ್ಟ್ ಹೆಸರನ್ನು ಹಾಕಿಕೊಂದಿದ್ದಾರೆ. 

ಪ್ರದೀಪ್ ರಿಕ್ಷಾ ಫೊಟೋ ಅಂತರ್ಜಾಲದಲ್ಲಿ ವೈರಲ್ ಆಗಿತ್ತು. ಈ ಫೋಟೊ ಪೌಲೊ ಕೊಯೆಲೊ ಅವರ ಕಣ್ಣಿಗೂ ಬಿದ್ದಿತ್ತು. ಒಡನೆಯೇ ಅವರು ಪ್ರದೀಪ್ ಅವರಿಗೆ ಧನ್ಯಾವದ ಸಲ್ಲಿಸಿ ಟ್ವೀಟ್ ಮಾಡಿದ್ದಾರೆ.