ಬಾಲಿಶವಾಗಿ ವರ್ತಿಸಬೇಡಿ, ಅಮೆರಿಕ ಸಹ ನಮ್ಮನ್ನು ಎದುರುಹಾಕೊಳ್ಳಲ್ಲ: ಭಾರತಕ್ಕೆ ಚೀನಾ ಎಚ್ಚರಿಕೆ

ಭಾರತ ಕೆಲವೊಮ್ಮೆ ಬಾಲಿಶವಾಗಿ ವರ್ತಿಸುತ್ತದೆ. ವಿಶ್ವದ ಶ್ರೇಷ್ಠ ರಾಷ್ಟ್ರವಾಗುವ ಅರ್ಹತೆ ಭಾರತಕ್ಕಿದ್ದರೂ ದೂರದೃಷ್ಟಿ ಕೊರತೆಯಿಂದಾಗಿ ಅದು ಸಾಧ್ಯವಾಗುತ್ತಿಲ್ಲ ಎಂದು ಚೀನಾದ ಗ್ಲೋಬಲ್ ಟೈಮ್ಸ್ ಪತ್ರಿಕೆ ಪ್ರಕಟಿಸಿರುವ  ಲೇಖನದಲ್ಲಿ ಹೇಳಿದೆ. 

ಇತ್ತೀಚೆಗಷ್ಟೇ ತೈವಾನ್ ರಾಷ್ಟ್ರಾಧ್ಯಕ್ಷರೊಂದಿಗೆ ಮಾತುಕತೆ ನಡೆಸಿ ಒಂದೇ ಚೀನಾ ನೀತಿಯನ್ನು ಪ್ರಶ್ನಿಸಿದ್ದ ಡೊನಾಲ್ಡ್ ಟ್ರಂಪ್ ಅವರ ನಡೆ ಹಾಗೂ ಅದಕ್ಕೆ ಪ್ರತಿಯಾಗಿ ಚೀನಾ ದಕ್ಷಿಣ ಚೀನಾ ಸಮುದ್ರದ ಬಳಿ ಅಮೆರಿಕದ ಡ್ರೋನ್ ಗಳನ್ನು ಹಿಡಿದಿದ್ದನ್ನು ಉಲ್ಲೇಖಿಸಿರುವ ಚೀನಾದ ಸರ್ಕಾರಿ ಸ್ವಾಮ್ಯದ ಪತ್ರಿಕೆ ಅಮೆರಿಕಗೆ ಕಲಿಸಿದ ಪಾಠವನ್ನು ನೋಡಿ ಭಾರತವೂ ಎಚ್ಚರಿಕೆಯಿಂದ ಇರಬೇಕು ಎಂದು ಸಲಹೆ ನೀಡಿದೆ.