ಢಾಕಾದಲ್ಲಿ ದಾಳಿ ನಡೆಸಿದ ಉಗ್ರರೆಲ್ಲರೂ ಬಾಂಗ್ಲಾ ಪ್ರಜೆಗಳು!

ಢಾಕಾ: ಢಾಕಾ ಉಗ್ರ ದಾಳಿಗೆ ಸಂಬಂಧಿಸಿದಂತೆ ಮಹತ್ವದ ಮಾಹಿತಿಯೊಂದು ಬಹಿರಂಗವಾಗಿದ್ದು ದಾಳಿ ನಡೆಸಿದ ಎಲ್ಲಾ ಉಗ್ರರು ಬಾಂಗ್ಲಾದ ಪ್ರಜೆಗಳೇ ಎಂದು ತನಿಖಾಧಿಕಾರಿಗಳು ಹೇಳಿಕೆ ನೀಡಿದ್ದಾರೆ.  

ಅಧಿಕಾರಿಗಳು ನೀಡಿರುವ ಮಾಹಿತಿ ಪ್ರಕಾರ ದಾಳಿ ನಡೆಸಿದ ಉಗ್ರರ ಪೈಕಿ ಐವರು ಉಗ್ರರನ್ನು ಪೊಲೀಸರು ಈ ಹಿಂದೆಯೇ ಬಂಧಿಸಲು ಯತ್ನಿಸಿದ್ದರು ಎಂದು ತಿಳಿದುಬಂದಿದ್ದು ಉಗ್ರರ ಬಳಿ ಒತ್ತೆಯಾಳುಗಳಾಗಿದ್ದ 20 ಜನರನ್ನು ದಾಳಿ ನಡೆದ 11 ಗಂಟೆಗಳ ನಂತರ ಬಿಡುಗಡೆ ಮಾಡಲಾಗಿದೆ ಎಂದು ಪೊಲೀಸ್ ಐಜಿ ಶಾಹಿದುಲ್ -ಹಕ್ ತಿಳಿಸಿದ್ದಾರೆ.

ದಾಳಿ ನಡೆದ ಬೆನ್ನಲ್ಲೇ, ಅಲ್-ಖೈದಾ ಉಗ್ರ ದಾಳಿಯನ್ನು ಶಂಕಿಸಲಾಗಿತ್ತು ಆದರೆ ದಾಳಿಯ ಬಗ್ಗೆ ಇಸೀಸ್ ವೆಬ್ ಸೈಟ್ ನಲ್ಲಿ ಫೋಟೋಗಳು ಕಂಡುಬಂದಿರುವುದರಿಂದ ಇದು ಇಸೀಸ್ ಉಗ್ರ ಸಂಘಟನೆ ನಡೆಸಿರುವ ದಾಳಿ ಎಂದು ಹೇಳಲಾಗುತ್ತಿದೆ. ದಾಳಿ ನಡೆಸಿದ ಉಗ್ರರ ಪೈಕಿ 6 ಜನ ಉಗ್ರರನ್ನು ಹತ್ಯೆ ಮಾಡಕಾಗುದ್ದರೆ ಓರ್ವ ಉಗ್ರನನ್ನು ಜೀವಂತ ಸೆರೆ ಹಿಡಿಯಲಾಗಿದೆ.