ಶ್ರೀಲಂಕಾದಲ್ಲಿ ಅಕ್ರಮವಾಗಿ ನೆಲೆಯೂರಿದ್ದ 27 ಭಾರತೀಯರ ಬಂಧನ

ಕೊಲಂಬೋ: ವೀಸಾ ಅವಧಿ ಮುಗಿದಿದ್ದರೂ ಶ್ರೀಲಂಕಾದಲ್ಲಿ ಅಕ್ರಮವಾಗಿ ವಾಸ್ತವ್ಯ ಹೂಡಿದ್ದ 27 ಭಾರತೀಯರನ್ನು ಜಾಫ್ನಾದಲ್ಲಿ ಬಂಧನಕ್ಕೊಳಪಡಿಸಿರುವುದಾಗಿ ಶ್ರೀಲಂಕಾದ ವಲಸೆ ಅಧಿಕಾರಿಗಳು ತಿಳಿಸಿದ್ದಾರೆ. 

ದೇಶದ ಉತ್ತರ ಪ್ರಾಂತ್ಯದಲ್ಲಿ 27 ಭಾರತೀಯರು ವಾಸವಿದ್ದು ವಲಸೆ ಇಲಾಖೆ ಅಧಿಕಾರಿಗಳ ತನಿಖಾ ಸಂದರ್ಭದಲ್ಲಿ ಈ ವಿಚಾರ ತಿಳಿದುಬಂದಿತ್ತು. ಈ ವೇಳೆ ಐವರು ಮಹಿಳೆಯರು ಸೇರಿದಂದೆ ಒಟ್ಟು 27 ಮಂದಿ ಭಾರತೀಯರನ್ನು ಬಂಧನಕ್ಕೊಳಪಡಿಸಿದ್ದೇವೆಂದು ಹೇಳಿದ್ದಾರೆ.

ತಮ್ಮ ಪ್ರವಾಸಿ ವೀಸಾಗಳನ್ನು ಉಲ್ಲಂಘಿಸಿ ವ್ಯಾಪಾರ ಚಟುವಟಿಕೆಗಳಲ್ಲಿ ಭಾರತೀಯರು ತೊಡಗಿಕೊಂಡಿದ್ದು ಶೀಘ್ರದಲ್ಲಿಯೇ ಅವರನ್ನು ಗಡಿಪಾರು ಮಾಡಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. 

ಜಾಫ್ನಾದಲ್ಲಿ ಮೂಲ ತಮಿಳರು ಹೆಚ್ಚಿನ ಸಂಖ್ಯೆಯಲ್ಲಿ ವಾಸವಿದ್ದಾರೆ. ಕಳೆದ ಆಗಸ್ಟ್ 11 ರಂದು ಕೂಡ ಅಕ್ರಮವಾಗಿ ನೆಲೆಯೂರಿದ್ದಾರೆಂದು ಮೂವರು ಭಾರತೀಯರನ್ನು ಬಂಧಿಸಿತ್ತು. ಬಂಧಿತ ಭಾರತೀಯರ ಗುರುತನ್ನು ಅಧಿಕಾರಿಗಳು ಬಹಿರಂಗಪಡಿಸಿಲ್ಲ.