ಬೀಜಿಂಗ್: ಭಾರತದ ಡ್ರೋಣ್ ಗಳು ಚೀನಾದ ವಾಯುಪ್ರದೇಶವನ್ನು ಅತಿಕ್ರಮಣ ಮಾಡಿವೆ ಎಂದು ಚೀನಾದ ಮಾಧ್ಯಮ ಆರೋಪಿಸಿವೆ.
ಚೀನಾ ರಕ್ಷಣಾ ಇಲಾಖೆಯ ಹಿರಿಯ ಅಧಿಕಾರಿಯ ಹೇಳಿಕೆಯನ್ನು ಉಲ್ಲೇಖಿಸಿ ಚೀನಾ ಮಾಧ್ಯಮಗಳು ಆರೋಪ ಮಾಡಿದ್ದು, ಚೀನಾದ ಗಡಿ ಪ್ರದೇಶದ ಸಿಬ್ಬಂದಿಗಳು ಭಾರತದ ಡ್ರೋಣ್ ಗಳು ಚೀನಾ ವಾಯು ಪ್ರದೇಶವನ್ನು ಅತಿಕ್ರಮಣ ಮಾಡಿರುವುದನ್ನು ಗುರುತಿಸಿದ್ದಾರೆ ಎಂದು ಹೇಳಿವೆ.
ಇದಕ್ಕೂ ಮುನ್ನ ಚೀನಾದ ನೌಕಾ ಪಡೆ ಸಾಮರ್ಥ್ಯ ಹೆಚ್ಚುತ್ತಿರುವುದರ ವಿರುದ್ಧವಾಗಿ ಭಾರತ ಅಮೆರಿಕಾವನ್ನು ಎತ್ತಿಕಟ್ಟಲು ಯತ್ನಿಸುತ್ತಿದೆ ಎಂಬ ಆರೋಪ ಕೇಳಿಬಂದಿತ್ತು. ಈ ಬೆನ್ನಲ್ಲೇ ಚೀನಾದ ವಾಯುಪ್ರದೇಶವನ್ನು ಭಾರತದ ಡ್ರೋಣ್ ಗಳು ಅತಿಕ್ರಮಿಸಿವೆ ಎಂದು ಚೀನಾ ಆರೋಪ ಮಾಡಿದೆ.
