ನಿನ್ನೆಯಷ್ಟೇ ಹೇಳಿಕೆ ನೀಡಿದ್ದ ಉತ್ತರ ಕೊರಿಯಾ ನಮ್ಮ ವಾಯುಸೀಮೆಯೊಳಕ್ಕೆ ಬಾರದಿದ್ದರೂ ಅಮೆರಿಕದ ಬಾಂಬರ್ ವಿಮಾನಗಳನ್ನು ಹೊಡೆದುರುಳಿಸುವ ಹಕ್ಕು ನಮಗೆ ಲಭಿಸಿದೆ ಎಂದು ಹೇಳಿದ್ದರು.
ಈ ಹೇಳಿಕೆಗೆ ಪ್ರತಿಕ್ರಿಯೆ ನೀಡಿರುವ ಟ್ರಂಪ್ ಅವರು, ಉತ್ತರ ಕೊರಿಯಾ ವಿರುದ್ಧ ಸೇನಾ ಕಾರ್ಯಾಚರಣೆ ನಡೆಸುವುದು ನಮ್ಮ ಎರಡನೇ ಆಯ್ಕೆಯಾಗಿದೆ. ಸೇನಾ ಕಾರ್ಯಾಚರಣೆಗೆ ಅಮೆರಿಕ ಸಂಪೂರ್ಣ ಸಿದ್ಧವಿದ್ದು, ಒಂದು ವೇಳೆ ನಾವು ಸೇನಾ ಕಾರ್ಯಾಚರಣೆ ಕೈಗೊಂಡಿದ್ದೇ ಆದರೆ, ಅದು ಉತ್ತರಕೊರಿಯಾಗೆ ವಿನಾಶಕಾರಿಯಾಗಲಿದೆ ಎಂದು ಹೇಳಿದ್ದಾರೆ.
ಉತ್ತರ ಕೊರಿಯಾದ ಸರ್ವಾಧಿಕಾರಿ ಕಿಮ್ ಜಾಂಗ್ ಉನ್ ಅವರ ವರ್ತನೆ ಬಹಳ ಕೆಟ್ಟದಾಗಿದೆ. ಈ ಹಿಂದೆಂದೂ ನಡೆಯದ ಪರಿಸ್ಥಿತಿಗಳನ್ನು, ಮಾತುಗಳನ್ನಾಡುತ್ತಿದ್ದಾರೆ. ಉತ್ತರ ಕೊರಿಯಾ ನಾಯಕನ ನಡೆಗೆ ಶೀಘ್ರದಲ್ಲಿಯೇ ಸರಿಯಾದ ಉತ್ತರವನ್ನು ನೀಡುತ್ತೇವೆ. ಪ್ರಸ್ತುತ ಉತ್ತರ ಕೊರಿಯಾ ನೀಡಿರುವ ಹೇಳಿಕೆ ನಾನು ಅಧಿಕೃತ ಹೇಳಿಕೆಯನ್ನು ನೀಡುತ್ತಿಲ್ಲ. ಇದು ಕೇವಲ ಹೇಳಿಕೆಯಷ್ಟೇ. ಉತ್ತರ ಕೊರಿಯಾದ ಈ ರೀತಿಯ ನಡೆಯನ್ನು 25, 20, 15, 10 ಮತ್ತು 5 ವರ್ಷಗಳ ಹಿಂದಿನಿಂದಲೂ ನಾವು ಎದುರಿಸುತ್ತಿದ್ದೇವೆ. ಈಗಲೂ ಅಂತಹ ಪರಿಸ್ಥಿತಿಯನ್ನು ನಾವು ಸುಲಭವಾಗಿ ಎದುರಿಸಬಲ್ಲೆವು ಎಂದು ತಿಳಿಸಿದ್ದಾರೆ.
ಉತ್ತರ ಕೊರಿಯಾದ ಪರಮಾಣು ಶಕ್ತಿ ಶಸ್ತ್ರಾಸ್ತ್ರಗಳು ಹಾಗೂ ಅವುಗಳ ಅಭಿವೃದ್ಧಿ ಇಡೀ ವಿಶ್ವಕ್ಕೆ ಬೆದರಿಕೆಯನ್ನು ಒಡ್ಡಿದೆ. ಇದರಿಂದ ವಿಶ್ವಕ್ಕೆ ಊಹಿಸಲಾಗದಷ್ಟು ನಷ್ಟ ಎದುರಾಗಲಿದೆ. ಹೀಗಾಗಿ ಉತ್ತರ ಕೊರಿಯಾ ಎಂಬ ಪಿಡುಗನ್ನು ತೊಲಗಿಸಲು ಇದು ಇತರೆ ರಾಷ್ಟ್ರಗಳು ಒಗ್ಗಡಲು ಸಕಾಲವಾಗಿದೆ ಎಂದಿದ್ದಾರೆ.