ಲಂಡನ್ ನಲ್ಲಿರುವ ಷರೀಫ್ ಮೊಮ್ಮಕ್ಕಳ ನಿವಾಸದ ಬಳಿ ನೂಕುನುಗ್ಗಲು ಉಂಟಾದಾಗ ಹಲ್ಲೆ ನಡೆಸಿದ ಆರೋಪದಡಿ ಷರೀಫ್ ಮೊಮ್ಮಕ್ಕಳನ್ನು ಬಂಧಿಸಲಾಗಿದೆ. ಡಾನ್ ಪತ್ರಿಕೆಯ ವರದಿಯ ಪ್ರಕಾರ ಪಾಕಿಸ್ತಾನ್ ಮುಸ್ಲಿಂ ಲೀಗ್ ನವಾಜ್ ಪಕ್ಷದ ವಿರೋಧಿಗಳು ಷರೀಫ್ ಮೊಮ್ಮಕ್ಕಳ ನಿವಾಸದ ಎದುರು ಪ್ರತಿಭಟನೆ ನಡೆಸುತ್ತಿದ್ದರು. ಈ ವೇಳೆ ಪ್ರತಿಭಟನಾಕಾರನೊಬ್ಬ ಷರೀಫ್ ಮೊಮ್ಮಮ ಜುನೈದ್ ಸಫ್ದಾರ್ ಹಾಗೂ ಝಕಾರಿಯಾ ಹುಸೇನ್ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ. ಇದರಿಂದ ಕೋಪಗೊಂಡ ಇಬ್ಬರೂ ಪ್ರತಿಭಟನೆಯಲ್ಲಿ ತಮ್ಮ ವಿರುದ್ಧ ಮಾತನಾಡಿದವರ ಮೇಲೆ ಹಲ್ಲೆ ನಡೆಸಿದ್ದಾರೆ.