ನ್ಯೂಯಾರ್ಕ್: ಮಾರ್ಚ್ ಕೊನೆಯ ವಾರದಲ್ಲಿ ಕೇವಲ ಮೂರು ದಿನಗಳಲ್ಲಿ ಆಪಲ್ ಕಂಪನಿ ಭಾರತದಿಂದ ಅಮೆರಿಕಕ್ಕೆ ಐಫೋನ್‌ಗಳು ಮತ್ತು ಇತರ ಉತ್ಪನ್ನಗಳನ್ನು ತುಂಬಿದ ಐದು ವಿಮಾನಗಳನ್ನು ಸಾಗಿಸಿದೆ ಎಂದು ಭಾರತೀಯ ಹಿರಿಯ ಅಧಿಕಾರಿಯೊಬ್ಬರು ದೃಢಪಡಿಸಿದ್ದಾರೆ. ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಸರ್ಕಾರದ ಆದೇಶದಂತೆ ಏಪ್ರಿಲ್ 5ರಿಂದ ಜಾರಿಗೆ ಬಂದಿರುವ ಹೊಸ 10ರಷ್ಟು ಪ್ರತಿ ಸುಂಕವನ್ನು ತಪ್ಪಿಸಲು ಈ ತುರ್ತು ಸಾಗಣೆಗಳನ್ನು ಮಾಡಲಾಗಿದೆ. ಸುಂಕಗಳ ಹೊರತಾಗಿಯೂ ಆಪಲ್ ಪ್ರಸ್ತುತ ಭಾರತದಲ್ಲಿ ಅಥವಾ ಇತರ ಮಾರುಕಟ್ಟೆಗಳಲ್ಲಿ ಚಿಲ್ಲರೆ ಬೆಲೆಗಳನ್ನು ಹೆಚ್ಚಿಸುವ ಯಾವುದೇ ಯೋಜನೆಯನ್ನು ಹೊಂದಿಲ್ಲ ಎಂದು ಮೂಲಗಳು ತಿಳಿಸಿವೆ.
ಸುಂಕ ಪರಿಣಾಮವನ್ನು ತಗ್ಗಿಸಲು ಆ್ಯಪಲ್ ಕಂಪನಿಯು ಭಾರತ ಮತ್ತು ಚೀನಾದಲ್ಲಿನ ಉತ್ಪಾದನಾ ಕೇಂದ್ರಗಳಿಂದ ಅಮೆರಿಕಕ್ಕೆ ದಾಸ್ತಾನುಗಳನ್ನು ತ್ವರಿತವಾಗಿ ಸ್ಥಳಾಂತರಿಸಿತು. ಭಾರತ ಮತ್ತು ಚೀನಾ ಮೇಲೆ ಹೆಚ್ಚಿನ ಸುಂಕ ಹಾಕುವ ನಿರೀಕ್ಷೆ ಹಿನ್ನೆಲೆಯಲ್ಲಿ ಅಲ್ಲಿನ ಕಾರ್ಖಾನೆಗಳಿಂದ ಅಮೆರಿಕಕ್ಕೆ ಉತ್ಪನ್ನಗಳನ್ನು ಸಾಗಿಸಲಾಗಿದೆ. ಈ ದಾಸ್ತಾನು ಆಪಲ್‌ಗೆ ತಾತ್ಕಾಲಿಕವಾಗಿ ಪ್ರಸ್ತುತ ಬೆಲೆಯನ್ನು ಕಾಯ್ದುಕೊಳ್ಳಲು ಅನುವು ಮಾಡಿಕೊಡುತ್ತದೆ ಎಂದು ವರದಿ ತಿಳಿಸಿದೆ.
ಈ ಪರಿಣಾಮವನ್ನು ಸರಿದೂಗಿಸಲು ಯಾವುದೇ ಬೆಲೆ ಏರಿಕೆಯನ್ನು ಕೇವಲ ಅಮೆರಿಕಾ ಮಾರುಕಟ್ಟೆಗೆ ಸೀಮಿತಗೊಳಿಸಲಾಗುವುದಿಲ್ಲ, ಆದರೆ ಭಾರತ ಸೇರಿದಂತೆ ಪ್ರಮುಖ ಜಾಗತಿಕ ಪ್ರದೇಶಗಳಲ್ಲಿ ತೆಗೆದುಕೊಳ್ಳಬೇಕಾಗುತ್ತದೆ ಎಂದು ಮೂಲಗಳು ತಿಳಿಸಿವೆ. ಉತ್ಪಾದನಾ ಸ್ಥಳಗಳಲ್ಲಿನ ವಿಭಿನ್ನ ಸುಂಕ ರಚನೆಗಳು ಅದರ ಪೂರೈಕೆ ಸರಪಳಿಯ ಮೇಲೆ ಹೇಗೆ ಪರಿಣಾಮ ಬೀರುತ್ತವೆ ಎಂಬುದನ್ನು ಕಂಪನಿಯು ವಿಶ್ಲೇಷಿಸುತ್ತಿದೆ. ಆಪಲ್ ಉತ್ಪನ್ನಗಳಿಗೆ ಯುಎಸ್ ನಿರ್ಣಾಯಕ ಮಾರುಕಟ್ಟೆಯಾಗಿ ಉಳಿದಿದೆ. ಬೇಡಿಕೆ ಮತ್ತು ಲಾಭಂಶದ ಮೇಲೆ ಪರಿಣಾಮ ಬೀರುವ ಹೆಚ್ಚಿದ ವೆಚ್ಚಗಳನ್ನು ಗ್ರಾಹಕರ ಮೇಲೆ ಹಾಕುವುದನ್ನು ತಪ್ಪಿಸಲು ಕಂಪನಿಯು ಕೆಲಸ ಮಾಡುತ್ತಿದೆ.
ಶೇಕಡ 26ರಷ್ಟು ಪರಸ್ಪರ ಸುಂಕಗಳನ್ನು ಟ್ರಂಪ್ ಸರ್ಕಾರ ಘೋಷಿಸಿದ್ದು ಏಪ್ರಿಲ್ 9ರಿಂದ ಜಾರಿಗೆ ಬರಲಿದೆ. ಇದು ಮುಂದೆ ಆಪಲ್‌ನ ಉತ್ಪಾದನಾ ಕಾರ್ಯತಂತ್ರದ ಮೇಲೆ ಪ್ರಭಾವ ಬೀರಬಹುದು. ಕಂಪನಿಯು ಚೀನಾದಿಂದ ಹೆಚ್ಚಿನ ಉತ್ಪಾದನೆಯನ್ನು ಬದಲಾಯಿಸುತ್ತಿರುವುದರಿಂದ ಭಾರತವು ಆಪಲ್‌ನ ಜಾಗತಿಕ ಉತ್ಪಾದನಾ ಜಾಲದಲ್ಲಿ ಹೆಚ್ಚು ಪ್ರಮುಖ ಪಾತ್ರವನ್ನು ವಹಿಸುವ ಸಾಧ್ಯತೆಯಿದೆ. ಪ್ರಸ್ತುತ ಭಾರತದಲ್ಲಿ ಐಫೋನ್ ಮತ್ತು ಏರ್‌ಪಾಡ್ ಉತ್ಪಾದನೆಯ ಮೇಲೆ ಕೇಂದ್ರೀಕರಿಸಿರುವ ಆಪಲ್, ಮೂಲಭೂತವಾಗಿ ಸುಂಕದ ಪ್ರಯೋಜನದಿಂದ ಪ್ರಯೋಜನ ಪಡೆಯಲಿದೆ. ಚೀನಾದ ಸರಕುಗಳ ಮೇಲೆ ವಿಧಿಸಲಾಗಿರುವ ಶೇಕಡ 54ಕ್ಕೆ ಹೋಲಿಸಿದರೆ ಭಾರತದ ಮೇಲಿನ ಶೇಕಡ 26ರಷ್ಟು ಸುಂಕ ಕಂಪನಿಗೆ ಹೆಚ್ಚಿನ ಹೊರೆಯನ್ನು ತಗ್ಗಿಸುತ್ತದೆ.
ಶೇಕಡಾ 28ರಷ್ಟು ಸುಂಕ ವ್ಯತ್ಯಾಸವು ಆಪಲ್ ಭಾರತಕ್ಕೆ ತನ್ನ ಉತ್ಪಾದನಾ ಕ್ಷೇತ್ರಗಳನ್ನು ಹೆಚ್ಚು ವೇಗಗೊಳಿಸಲು ಬಲವಾದ ಆರ್ಥಿಕ ಪ್ರೋತ್ಸಾಹವನ್ನು ಸೃಷ್ಟಿಸುತ್ತದೆ. ಕಂಪನಿಯು ಈಗಾಗಲೇ ಭಾರತದಿಂದ ಸುಮಾರು 9 ಬಿಲಿಯನ್ ಡಾಲರ್ ಸ್ಮಾರ್ಟ್‌ಫೋನ್ ರಫ್ತಿನಲ್ಲಿ ಹೆಚ್ಚಿನದನ್ನು ಹೊಂದಿದೆ. ಆದರೂ ಉತ್ಪಾದನಾ ಬದಲಾವಣೆಗಳು ವಿವಿಧ ದೇಶಗಳೊಂದಿಗೆ ಅಂತಿಮ ಅಮೆರಿಕ ಸುಂಕದ ನಿಯಮಗಳನ್ನು ಅವಲಂಬಿಸಿರುತ್ತದೆ.
Advertisement
