ಸಿಂಪಲ್ ಸುನಿ ನಿರ್ದೇಶನದ, ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ 'ಸಕತ್' ಸಿನಿಮಾ ನವೆಂಬರ್ 26ರಂದು ತೆರೆಕಾಣುತ್ತಿರುವ ಬಗ್ಗೆ ನಾಯಕಿ ನಿಶ್ವಿಕಾ ನಾಯ್ಡು ಉತ್ಸುಕತೆ ವ್ಯಕ್ತಪಡಿಸಿದ್ದಾರೆ. ನಟ ಗಣೇಶ್ ಅವರ ಜೊತೆ ನಟಿಸುವ ಬಹುಕಾಲದ ಆಸೆ ಈ ಸಿನಿಮಾದಿಂದ ನೆರವೇರಿರುವುದು ಅವರ ಸಂತಸಕ್ಕೆ ಮತ್ತೊಂದು ಕಾರಣ.
ಸಿನಿಮಾದಲ್ಲಿ ತಮ್ಮ ಕ್ಯಾರೆಕ್ಟರ್ ಅನ್ನು ಅನ್ನು ಸುನಿ ಅವರ ತುಂಬಾ ಮುತುವರ್ಜಿಯಿಂದ ರೂಪಿಸಿದ್ದಾರೆ.. ಅಭಿನಯಕ್ಕೆ ತುಂಬಾ ಸ್ಕೋಪ್ ಇದೆ ಎಂದು ನಿಶ್ವಿಕಾ ಅಭಿಪ್ರಯಪಟ್ಟಿದ್ದಾರೆ.
ಸುನಿ ಅವರು ಮೊದಲ ಬಾರಿ ಕಥೆ ಹೇಳಿದಾಗಲೇ ನಿಶ್ವಿಕಾ ಅವರಿಗೆ ಇಷ್ಟೊಳ್ಳೆಯ ಪಾತ್ರ ಮತ್ತು ಅದರ ಮೇಲೆ ಕಮರ್ಷಿಯಲ್ ಎಂಟರ್ಟೇನರ್ ಆದ ಕಥೆ ಬಿಟ್ಟರೆ ಸಿಗಲಿಕ್ಕಿಲ್ಲ ಎಂದೆನಿಸಿತ್ತು. ಹೀಗಾಗಿ ಪಟ್ಟೆಂದು ಒಪ್ಪಿಕೊಂಡೆ ಎಂದು ನಗುತ್ತಾರೆ ನಿಶ್ವಿಕಾ.
ಸಕತ್ ಕೋರ್ಟ್ ರೂಮ್ ಡ್ರಾಮ ಆಗಿದ್ದರೂ ರೊಮ್ಯಾಂಟಿಕ್- ಕಾಮಿಡಿ ಸಿನಿಮಾ ಕೂಡಾ ಎನ್ನುತ್ತಾರೆ ನಿಶ್ವಿಕಾ. ಪ್ರೇಕ್ಷಕರನ್ನು ಈ ಸಿನಿಮಾ ನಗೆಯ ಕಡಲಲ್ಲಿ ತೇಲಿನಲಿದೆ ಎನ್ನುವ ಖಾತರಿಯನ್ನು ಅವರು ನೀಡಿದ್ದಾರೆ.