ಲಂಡನ್: ವಿಶ್ವದ ಅತಿ ಹಿರಿಯ ಟೆಸ್ಟ್ ಕ್ರಿಕೆಟರ್ ಎನ್ನುವ ಖ್ಯಾತಿಗೆ ಪಾತ್ರರಾಗಿದ್ದ ಮಹಿಳೆ ಎಲೀನ್ ಆಶ್ ಇಂಗ್ಲೆಂಡಿನಲ್ಲಿ ನಿಧನರಾಗಿದ್ದಾರೆ. ಅವರಿಗೆ 110 ವರ್ಷ ವಯಸ್ಸಾಗಿತ್ತು.
ಎಲೀನ್ ಅವರು 1937ರಲ್ಲಿ ಇಂಗ್ಲೆಂಡ್ ತಂಡದ ಪರವಾಗಿ ಆಡುವ ಮೂಲಕ ಕ್ರಿಕೆಟ್ ಗೆ ಪಾದಾರ್ಪಣೆ ಮಾಡಿದ್ದರು. ಬಲಗೈ ಬೌಲರ್ ಆಗಿದ್ದ ಎಲೀನ್ ಅವರು 1949ರಂದು ಕ್ರಿಕೆಟ್ ನಿಂದ್ ನಿವೃತ್ತಿ ಹೊಂದಿದ್ದರು.
ಎರಡನೇ ವಿಶ್ವಮಹಾಯುದ್ಧ ಸಮಯದಲ್ಲಿ ಎಲೀನ್ ಅವರು ಇಂಗ್ಲೆಂಡ್ ಪರ ಬೇಹುಗಾರಿಕೆಯನ್ನೂ ಮಾಡಿದ್ದರು ಎನ್ನುವುದು ತುಂಬಾ ಅಚ್ಚರಿಯ ಸಂಗತಿ. ಅವರ ನಿಧನವಾರ್ತೆಯನ್ನು ಬಹಿರಂಗಪಡಿಸಿದ ಇಂಗ್ಲೆಂಡ್ ಕ್ರಿಕೆಟ್ ಮಂಡಳಿ ಅವರಿಗೆ ಗೌರವ ಸೂಚಿಸಲು ನಿರ್ಧರಿಸಿದೆ.
ಆಸ್ಟ್ರೇಲಿಯಾದ ಸಿಡ್ನಿಯಲ್ಲಿದ್ದ ಫ್ರೆಂಚ್ ರೆಸ್ಟಾರೆಂಟೊಂದರಲ್ಲಿ ಕ್ರಿಕೆಟ್ ದಂತಕಥೆ ಡಾನ್ ಬ್ರಾಡ್ಮನ್ ಅವರನ್ನು ಭೇಟಿ ಮಾಡಿದ್ದ ಎಲೀನ್ ತಮ್ಮ ಬ್ಯಾಟಿಗೆ ಬ್ರಾಡ್ಮನ್ ಅವರ ಹಸ್ತಾಕ್ಷರ ಹಾಕಿಸಿಕೊಂಡಿದ್ದರು.