ಸ್ಪೈಸ್ ಜೆಟ್ ನಿಂದ ರಿಯಾಯಿತಿ ದರದಲ್ಲಿ ಐದು ಲಕ್ಷ ಟಿಕೆಟ್

ನವದೆಹಲಿ: ಕಡಿಮೆ ದರದ ವಿಮಾನಯಾನ ಸ್ಪೈಸ್ ಜೆಟ್ ಈಗ 'ಸೂಪರ್ ಸೇಲ್' ಪ್ರಾರಂಭಿಸಿದೆ. ೧೪೯೯ ರೂಗಳಿಗೆ ಪ್ರಾರಂಭವಾಗುವ ೫ ಲಕ್ಷ ಟಿಕೆಟ್ ಗಳನ್ನು ರಿಯಾಯಿತಿ ದರದಲ್ಲಿ ಗ್ರಾಹಕರಿಗೆ ನೀಡಲು ಮುಂದಾಗಿದೆ.

ಫೆಬ್ರವರಿ ೧೫ ರಿಂದ ಜೂನ್ ೩೦ ರವರೆಗೆ ಪ್ರವಾಸ ಮಾಡಬಹುದಾದ ರಿಯಾಯಿತಿ ದರದ ಟಿಕೆಟ್ ಗಳನ್ನು ಮುಂಗಡ ಕಾಯ್ದಿರಿಸಲು ಜನವರಿ ೨೮ ರಿಂದ ೩೦ರವರೆಗೆ ಸಮಯ!

ಸಾಮಾನ್ಯವಾಗಿ ಕಡಿಮೆ ಪ್ರವಾಸ ಮಾಡುವ ಸಮಯವಾದ ಜನವರಿಯಿಂದ ಮಾರ್ಚ್ ಸಮಯದಲ್ಲಿ ಈ ಏರ್ ಲೈನ್ಸ್ ನ ಆದಾಯ ಹೆಚ್ಚಿಸಲು ಈ ಕ್ರಮವನ್ನು ಕೈಗೊಳ್ಳಲಾಗಿದೆ ಎಂಬುದು ಪಂಡಿತರ ಅಭಿಪ್ರಾಯ.

ಈ ಕೊಡುಗೆಗೆ ಇತರ ಏರ್ಲೈನ್ ಗಳು ಕೂಡ ಸ್ಪರ್ಧೆಯೊಡ್ಡಿವೆ. ಇಂಡಿಗೋ, ಏರ್ ಏಷಿಯಾ   ಮತ್ತು ಗೋ ಏರ್ ಕೂಡ ಟಿಕೆಟ್ ದರಗಳನ್ನು ಇಳಿಸಿವೆ.