ಮುಂಬೈ: ಮುಂಚೆ ಕಥೆ ಕೇಳಿದ್ದಕ್ಕೂ ಆದರೆ ನಂತರ ತನ್ನ ಪಾತ್ರದಲ್ಲಿ ಆದ ಬೆಳವಣಿಗೆಗೂ ವ್ಯತ್ಯಾಸ ಇರುವುದರಿಂದ ಅದನ್ನು ಒಪ್ಪದೆ ನಟಿ ಶೃತಿ ಹಾಸನ್ ಅವರು ಮಿಲನ್ ಲೂಥ್ರಿಯಾ ನಿರ್ದೇಶನದ 'ಬಾದ್ಷಾಹೋ' ಸಿನೆಮಾ ಇಂದ ಹೊರಬಂದಿದ್ದಾರೆ ಎನ್ನಲಾಗಿದೆ. ಈ ಸಿನೆಮಾದಲ್ಲಿ ಅವರು ಅಜಯ್ ದೇವಗನ್ ಎದುರು ನಟಿಸಬೇಕಿತ್ತು.
"ಶೃತಿ ಮತ್ತು ಮಿಲನ್ ಹಲವು ಬಾರಿ ಭೇಟಿ ಮಾಡಿದ್ದರು. ಆ ಸಭೆಗಳಲ್ಲಿ ಮೊದಲಿಗೆ ಸಿನೆಮಾ ಕಥೆಯ ಬಗ್ಗೆ, ಹಾಗೂ ಅವರ ಪಾತ್ರದ ಬಗ್ಗೆ ಶೃತಿಗೆ ಇಷ್ಟವಾಗಿತ್ತು. ಆದುದರಿಂದ ಮೌಖಿಕವಾಗಿ ಒಪ್ಪಿಕೊಂಡಿದ್ದರು" ಎಂದು ಶೃತಿ ಅವರಿಗೆ ಹತ್ತಿರವಿರುವ ಮೂಲಗಳು ತಿಳಿಸಿವೆ.
ಆದರೆ ನಂತರ ಪಾತ್ರದಲ್ಲಿ ಹಲವಾರು ಬದಲಾವಣೆಗಳಾಗಿದ್ದವು ಎಂದು ತಿಳಿದುಬಂದಿದೆ.
"ಇತ್ತೀಚಿಗೆ ಕಥೆ ಕೇಳಿರುವ ಪ್ರಕಾರ ಸ್ಕ್ರಿಪ್ಟ್ ನಲ್ಲಿ ಹಲವಾರು ಬದಲಾವಣೆಗಳಾಗಿದ್ದು, ಅವರ ಪಾತ್ರ ಹಿಂದೆ ಕೇಳಿದ್ದಕ್ಕಿಂತಲೂ ವಿಭಿನ್ನವಾಗಿದೆ. ಅದು ಚಿತ್ರಕಥೆಗೆ ಅಷ್ಟೇನೂ ಪ್ರಮುಖವಾಗಿಲ್ಲ. ಆದುದರಿಂದ ಮಿಲನ್ ಜೊತೆ ಕೆಲಸ ಮಾಡಲು ಎದುರು ನೋಡುತ್ತಿದ್ದರು ಕೂಡ ಆ ಯೋಜನೆಯಿಂದ ಅನಿವಾರ್ಯವಾಗಿ ಹೊರಬರಬೇಕಾಯಿತು" ಎಂದು ಮೂಲಗಳು ತಿಳಿಸಿವೆ.
ಅಲ್ಲದೆ ಚಿತ್ರೀಕರಣದ ದಿನಾಂಕಗಳು ಕೂಡ ಮುಂದೂಡಲಾಗಿದ್ದು ಶೃತಿ ಅವರ ದಕ್ಷಿಣ ಭಾಷೆಗಳ ಸಿನೆಮಾಗಳ ಚಿತ್ರೀಕರಣ ದಿನಾಂಕಕ್ಕೆ ಹೊಂದಾಣಿಕೆಯಾಗುತ್ತಿಲ್ಲ ಎಂದು ಕೂಡ ಮೂಲಗಳು ತಿಳಿಸಿವೆ.
ಸದ್ಯಕ್ಕೆ ತಮಿಳು ಚಿತ್ರ 'ಪುಲಿ' ಬಿಡುಗಡೆಗೆ ಶೃತಿ ಕಾಯುತ್ತಿದ್ದಾರೆ. ಅಜಿತ್ ಕುಮಾರ್ ಅವರೊಂದಿಗೆ ಒಂದು ಚಿತ್ರ ಹಾಗೂ 'ಸಿಂಗಂ೩' ಕೂಡ ಶೃತಿ ಅವರ ಪಟ್ಟಿಯಲ್ಲಿವೆ.
