ಸರಿಗಮಪ ಲಿಟಲ್ ಚಾಂಪ್ಸ್ ಸೀಸನ್ 16: ಓಂಕಾರ್ ಪತ್ತರ್ ಕೊರಳಿಗೆ ವಿಜಯಮಾಲೆ
ರಾಜ್ಯಾದ್ಯಂತ ಮೆಚ್ಚುಗೆ ಪಡೆದ ಜೀ಼ ಕನ್ನಡದ ಮ್ಯೂಸಿಕ್ ರಿಯಾಲಿಟಿ ಶೋ, ಸರಿಗಮಪ ಲಿಟಲ್ ಚಾಂಪ್ಸ್ ಸೀಸನ್ 16 ಮುಕ್ತಾಯವಾಗಿದ್ದು ಈ ಬಾರಿಯ ಫಿನಾಲೆ ವಿಜೇತರಾಗಿ ಓಂಕಾರ್ ಪತ್ತರ್ ಹೊರಹೊಮ್ಮಿದ್ದಾರೆ.
ಇದೇ ಆವೃತ್ತಿಯಲ್ಲಿ ಗುರುಕಿರಣ್ ಹೆಗಡೆ ಮೊದಲ ರನ್ನರ್ ಅಪ್ ಆದರೆ ಸುನಾದ್ ಪ್ರಸಾದ್ ಎರಡನೇ ರನ್ನರ್ ಅಪ್ ಆಗಿದ್ದಾರೆ.ಅಭಿಸ್ಯಂತ್ ಮೂರನೇ ರನ್ನರ್ ಅಪ್ ಸ್ಥಾನ ಪಡೆದುಕೊಂಡಿದ್ದಾರೆ.
ರಾಜ್ಯದ 30 ಜಿಲ್ಲೆಗಳಲ್ಲಿ ಆಡಿಷನ್‌ ಗಳ ಮೂಲಕ ಸಾವಿರಾರು ಪ್ರತಿಭೆಗಳ ಪೈಕಿ 19 ಸ್ಪರ್ಧಿಗಳು ಆಯ್ಕೆಯಾಗಿದ್ದು ಇವರಲ್ಲಿ ಆರು ಮಂದಿ ಫೈನಲ್ ಹಂತಕ್ಕೆ ಬಂದಿದ್ದರು. ಹಾಗೆ ಸೀಸನ್ 16 ರ ಫೈನಲಿಸ್ಟ್‌ ತಲುಪಿದವರೆಂದರೆ ಸುನಾದ್, ಅಭಿಸ್ಯಂತ್, ಅಪ್ರಮೇಯ, ಗುರು ಕಿರಣ್, ಸಾಕ್ಷಿ ಕಲ್ಲೂರು, ಮತ್ತು ಓಂಕಾರ್ ಪತ್ತರ್ ಇದರಲ್ಲಿ ಓಂಕಾರ್ ಗೆ ವಿಜಯಲಕ್ಷ್ಮಿ ಒಲಿದಿದ್ದಾಳೆ.
ಇಪ್ಪತ್ತಮೂರು ವಾರಗಳ ಕಾಲ ನಡೆದ ಈ ರಿಯಾಲಿಟೀ ಶೋ ಖೀ ಕನ್ನಡ ವಾಹಿನಿಯ ಹಿಟ್ ಮ್ಯೂಸಿಕ್ ರಿಯಾಲಿಟಿ ಶೋ ಆಗಿದೆ.
ಸ್ಪರ್ಧೆಯಲ್ಲಿ ವಿಜೇತರಾದ ಓಂಕಾರ್ ಪತ್ತರ್ ಗೆ 30 ಲಕ್ಷ ಮೌಲ್ಯದ ಸೈಟನ್ನು ಬಹುಮಾನವಾಗಿ ನೀಡಲಾಗಿದೆ.ಮೊದಲ ರನ್ನರ್ ಅಪ್ ಗುರುಕಿರಣ್ ಗೆ ಐದು ಲಕ್ಷ, ಎರಡನೇ ರನ್ನರ್ ಅಪ್ ಸುನಾದ್ ಗೆ ಮೂರು ಲಕ್ಷ ರು. ನಗದು ಬಹುಮಾನ ಸಿಕ್ಕಿದೆ.
ಬೆಂಗಳೂರಿನ ಕೋರಮಂಗಲ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆದ ಈ ಫಿನಾಲೆ ಕಾರ್ಯಕ್ರಮದಲ್ಲಿ ನೂರಾರು ಸಂಗೀತ ಪ್ರೇಮಿಗಳು ಭಾಗವಹಿಸಿದ್ದರು.
