ದತ್ತಾತ್ರೇಯ ನಿರ್ದೇಶನದ ಮುಂದಿನ ಪ್ರಣಯಂ ಸಿನಿಮಾದಲ್ಲಿ ರಾಜವರ್ಧನ್ ನಟಿಸಿದ್ದಾರೆ. ರಾಜವರ್ಧನ್ ಜೊತೆಯಾಗಿ ನೈನಾ ಗಂಗೂಲಿ ನಾಯಕಿಯಾಗಿ ನಟಿಸಿದ್ದಾರೆ.
ಬೆಂಗಾಲಿ, ತೆಲುಗು ಮತ್ತು ಹಿಂದಿ ಭಾಷೆಗಳಲ್ಲಿ ಕೆಲಸ ಮಾಡಿರುವ ನೈನಾ ಗಂಗೂಲಿ ಪ್ರಣಯಂ ಚಿತ್ರದ ಮೂಲಕ ಕನ್ನಡಕ್ಕೆ ಪಾದಾರ್ಪಣೆ ಮಾಡುತ್ತಿದ್ದಾರೆ.
ಸಂಗೀತ ನಿರ್ದೇಶಕ ಮನೋಮೂರ್ತಿ ರೋಮ್ಯಾಂಟಿಕ್ ಹಾಡಿಗೆ ಮದನ್ ಹರಿಣಿ ನೃತ್ಯ ಸಂಯೋಜನೆಯಿದೆ. ನನ್ನ ಹಿಂದಿನ ಸಿನಿಮಾ ಬಿಚ್ಚುಗತ್ತಿ ಐತಿಹಾಸಿಕ ಸಿನಿಮಾವಾಗಿತ್ತು, ಹಾಗಾಗಿ ಹಾಡುಗಳಲ್ಲಿ ಸಾಕಷ್ಟು ಮಿತಿಯಿತ್ತು, ಪ್ರಣಯಂ ಸಿನಿಮಾ ಹಾಡು ನನಗೆ ತುಂಬಾ ಬದಲಾಗಿ ಕಾಣಿಸಿತು, ಈ ರೋಮ್ಯಾಂಟಿಕ್ ಹಾಡು ನನ್ನಲ್ಲಿ ಮತ್ತಷ್ಟು ಅಭಿರುಚಿ ತುಂಬಿಸಿತ್ತು, ಹಾಡನ್ನು ತುಂಬಾ ಕಲಾತ್ಮಕವಾಗಿ ಚಿತ್ರೀಕರಿಸಲಾಗಿದೆ ಎಂದು ರಾಜವರ್ಧನ್ ತಿಳಿಸಿದ್ದಾರೆ.
ಸಿನಿಮಾ ಚಿತ್ರೀಕರಣ ಕೊನೆಯ ಹಂತದಲ್ಲಿದ್ದು, 15 ದಿನಗಳ ಶೂಟಿಂಗ್ ಗಾಗಿ ಚಿತ್ರತಂಡಮ ಮೂಡಿಗೆರೆಗೆ ತೆರಳಿದೆ. ಮಾನ್ಸಿ ವೆಂಚರ್ಸ್ ಸಹಯೋಗದಲ್ಲಿ ಪಿ2 ಪ್ರೊಡಕ್ಷನ್ಸ್ನ ಪರಮೇಶ್ ಅವರು ನಿರ್ಮಾಣ ಮಾಡಿದ್ದಾರೆ. ನಾಗೇಶ್ ಆಚಾರ್ಯ ಪ್ರಣಯಂಗೆ ಛಾಯಾಗ್ರಾಹಕರಾಗಿದ್ದಾರೆ.
