ಬೆಂಗಳೂರು: ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಇಂಗ್ಲೆಂಡ್-ಭಾರತ ನಡುವಿನ ಟಿ20 ಸರಣಿಯ ನಿರ್ಣಾಯಕ ಪಂದ್ಯ ನಡೆಯಿತು. ಈ ಪಂದ್ಯವನ್ನು ಟೀ ಇಂಡಿಯಾ ಗೆಲ್ಲುವ ಮೂಲಕ ಸರಣಿ ಕೈವಶ ಮಾಡಿಕೊಂಡಿತು.
ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ದಾಖಲಾದ ದಾಖಲೆಗಳು:
* ಟೀಂ ಇಂಡಿಯಾದ ಬೌಲರ್ ಗಳು ಕೊನೆ 8 ರನ್ ಗೆ ಇಂಗ್ಲೆಂಡ್ ನ 8 ವಿಕೆಟ್ ಪಡೆದಿದ್ದು, ದಾಖಲೆಯಾಗಿದೆ.
* ಟೀಂ ಇಂಡಿಯಾ ಆಟಗಾರನೊಬ್ಬ ಅಂತಾರಾಷ್ಟ್ರೀಯ ಟಿ20 ಪಂದ್ಯವೊಂದರಲ್ಲಿ 6 ವಿಕೆಟ್ ಕಿತ್ತ ಸಾಧನೆ ಮಾಡಿದರು. ಐಪಿಎಲ್ ಫ್ರಾಂಚೈಸಿಯ ಆರ್ಸಿಬಿ ತಂಡದಲ್ಲಿ ಆಡುವ ಯಜುವೇಂದ್ರ ಚಹಾಲ್ ತಮ್ಮ ತವರು ನೆಲದಲ್ಲಿ ಈ ಸಾಧನೆ ಮಾಡಿದರು.
* 202 ರನ್ ಚಿನ್ನಸ್ವಾಮಿಯಲ್ಲಿ ನಡೆದ ಅಂತಾರಾಷ್ಟ್ರೀಯ ಟಿ20 ಪಂದ್ಯಗಳ ಪೈಕಿ ದಾಖಲಾದ ಅಧಿಕ ಮೊತ್ತ ಇದಾಗಿದೆ. ಇದಕ್ಕೂ ಮೊದಲು ಕಳೆದ ವರ್ಷ ನಡೆದ ಟಿ20 ವಿಶ್ವಕಪ್ ಟೂರ್ನಿ ವೇಳೆ ಆಸ್ಟ್ರೇಲಿಯಾ ತಂಡ ಬಾಂಗ್ಲಾದೇಶ ವಿರುದ್ಧ 157 ರನ್ ಗಳಿಸಿದ್ದೇ ಅಧಿಕ ಮೊತ್ತವಾಗಿತ್ತು.
ವಿಶೇಷತೆ:
* ಟೀಂ ಇಂಡಿಯಾ ಪರ 19ನೇ ವಯಸ್ಸಿಗೆ ಟಿ20 ಪಂದ್ಯವಾಡಿದ ಕಿರಿಯ ಆಟಗಾರ ಎನ್ನುವ ಗೌರವಕ್ಕೆ ರಿಷಭ್ ಪಂತ್ ಭಾಜನರಾದರು.
* ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಟಿ20 ಅಂತಾರಾಷ್ಟ್ರೀಯ ಪಂದ್ಯವಾಡಿದ ರಾಜ್ಯ ಮೊದಲ ಆಟಗಾರ ಎಂಬ ಹಿರಿಮೆಗೆ ಕೆಎಲ್ ರಾಹುಲ್ ಪಾತ್ರರಾಗಿದ್ದಾರೆ. ಇನ್ನು ಮನೀಶ್ ಪಾಂಡೆಗೆ ವಿಶ್ರಾಂತಿ ನೀಡಿದ್ದರಿಂದ ಅವರ ನೋಡಲು ಸಾಧ್ಯವಾಗಿಲ್ಲ.
* ಚಿನ್ನಸ್ವಾಮಿ ಕ್ರೀಡಾಂಗಣಕ್ಕೆ ಇದು ಸಂಭ್ರಮದ ಕ್ಷಣ. ಸಬ್ ಏರ್ ಸಿಸ್ಟಮ್ ಅಳವಡಿಸಿದ ನಂತರ ಇಲ್ಲಿ ನಡೆಯುತ್ತಿರುವ ಮೊದಲ ಅಂತಾರಾಷ್ಟ್ರೀಯ ಪಂದ್ಯ. ಈ ವ್ಯವಸ್ಥೆ ಇರುವ ವಿಶ್ವದ ಮೊದಲ ಹಾಗೂ ಏಕೈಕ ಕ್ರೀಡಾಂಗಣ ಎಂಬ ಹಿರಿಮೆ ಚಿನ್ನಸ್ವಾಮಿ ಮೈದಾನಕ್ಕೀದೆ.
