ಡಿಆರ್ಎಸ್ ವಿವಾದ: ವಿರಾಟ್ ಕೊಹ್ಲಿ ಬೆಂಬಲಕ್ಕೆ ನಿಂತ ಆಸೀಸ್ ಮಾಜಿ ಆಟಗಾರ

ನವದೆಹಲಿ: ಆಸ್ಟ್ರೇಲಿಯಾ ನಾಯಕ ಸ್ಟೀವನ್ ಸ್ಮಿತ್ ಅವರ ಡಿಆರ್ಎಸ್ ವಿವಾದಕ್ಕೆ ಪ್ರತಿಯಾಗಿ ಟೀಂ ಇಂಡಿಯಾದ ನಾಯಕ ವಿರಾಟ್ ಕೊಹ್ಲಿ ವಿರುದ್ಧ ಆಸ್ಟ್ರೇಲಿಯಾ ಮಾಧ್ಯಮಗಳು ಟೀಕಿಸಿದ್ದು ಈ ಮಧ್ಯೆ ಆಸೀಸ್ ಮಾಜಿ ಆಟಗಾರ ಕೊಹ್ಲಿಯ ಬೆಂಬಲಕ್ಕೆ ನಿಂತಿದ್ದಾರೆ. 

ಆಸೀಸ್ ಎಡಗೈ ಸ್ಪಿನ್ನರ್ ಬ್ರಾಡ್ ಹಾಗ್ ಭಾರತೀಯ ನಾಯಕನನ್ನು ಬೆಂಬಲಿಸಿದ್ದು,ಮೈದಾನದಲ್ಲಿ ಕೊಹ್ಲಿಯ ವರ್ತನೆಯನ್ನು ಸಮರ್ಥಿಸಿಕೊಂಡಿದ್ದಾರೆ. ಕೊಹ್ಲಿ ಒಬ್ಬ ಭಾವನಾತ್ಮಕ ವ್ಯಕ್ತಿ ತಮ್ಮ ಆಟದಿಂದಲೇ ಎಲ್ಲಾ ಟೀಕೆಗಳಿಗೂ ಅವರು ಉತ್ತರಿಸುತ್ತಾರೆ. ವಿರಾಟ್ ಆಟ ಯುವಕರಿಗೆ ಮಾದರಿಯಾಗಿದ್ದು ಕ್ರಿಕೆಟ್ ನಲ್ಲಿ ಈ ರೀತಿಯ ವಿವಾದಗಳು ಸಾಮಾನ್ಯ ಎಂದು ಹೇಳಿದ್ದಾರೆ. 

ಮೈದಾನದಲ್ಲಿ ಸ್ಮಿತ್ ಹಾಗೂ ಕೊಹ್ಲಿ ನಡುವಿನ ಮಾತಿನ ಚಕಮಿಕಿ ನನಗೆ ಹಿಡಿಸಿತು. ಈ ರೀತಿಯ ಪ್ರಸಂಗಗಳು ಆಟದ ರೋಚಕತೆಯನ್ನು ಹೆಚ್ಚಿಸುತ್ತವೆ ಎಂದು ಬ್ರಾಡ್ ಹಾಗ್ ಅಭಿಪ್ರಾಯಪಟ್ಟಿದ್ದಾರೆ.