ಮಗಳೊಂದಿಗೆ ಮಗುವಾದ ಧೋನಿ: ಝೀವಾ ಜೊತೆಗೆ ಸ್ಟೆಪ್ ಹಾಕಿದ ಕ್ಯಾಪ್ಟನ್ ಕೂಲ್

ನವದೆಹಲಿ: ಮಗಳು ಝೀವಾ ಜೊತೆಗೆ ಕ್ಯಾಪ್ಟನ್ ಕೂಲ್ ಮಹೇಂದ್ರ ಸಿಂಗ್ ಧೋನಿಯವರು ಡ್ಯಾನ್ಸ್ ಮಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. 

ಮಗಳು ಝೀವಾ ಜೊತೆಗೆ ಧೋನಿಯವರು ಬಿಂದಾಸ್ ಸ್ಟೆಪ್ಸ್ ಹಾಕಿದ್ದು, ಅಪ್ಪ-ಮಗಳ ಡ್ಯಾನ್ಸ್ ಅಭಿಮಾನಿಗಳನ್ನು ಮತ್ತಷ್ಟು ಸೆಳೆಯುವಂತೆ ಮಾಡಿದೆ. 

ಝೀವಾ ಹಾಗೂ ಧೋನಿ ಇಬ್ಬರೂ ಡ್ಯಾನ್ಸ್ ಮಾಡಿರುವ ವಿಡಿಯೋವನ್ನು ಧೋನಿ ಪತ್ನಿ ಸಾಕ್ಷಿ ಧೋನಿಯವರು ಇನ್ಸ್'ಟಾಗ್ರಾಮ್'ನಲ್ಲಿ ಹಂಚಿಕೊಂಡಿದ್ದು, ಈ ವಿಡಿಯೋ ವೈರಲ್ ಆಗಿದೆ.

ವಿಡಿಯೋದಲ್ಲಿ ಝೀವಾಳೇ ಅಪ್ಪನಿಗೆ ಡ್ಯಾನ್ಸ್ ಸ್ಟೆಪ್ಸ್ ಹೇಳಿಕೊಟ್ಟಿದ್ದಾಳೆ. ಅಪ್ಪ ಮಗಳ ಈ ಒಡನಾಟ ನೋಡುತ್ತಿರುವ ಅಭಿಮಾನಿಗಳು ಇದೀಗ ಮನಸೋ ಇಚ್ಛೆ ಕೊಂಡಾಡುತ್ತಿದ್ದಾರೆ.