ಮೌಂಟ್ ಮೌಂಗನ್ಯುಯಿ: ಐಸಿಸಿ ಅಂಡರ್-19 ವಿಶ್ವಕಪ್ ಪಂದ್ಯಾವಳಿಯಲ್ಲಿ ಭಾರತ ಪಪುವ ನ್ಯೂ ಗಿನಿಯಾ ವಿರುದ್ಧ ಭರ್ಜರಿ ಗೆಲುವು ಸಾಧಿಸಿದೆ.
ಬೇ ಓವಲ್ ನಲ್ಲಿ ನಡೆಯುತ್ತಿರುವ ಪಂದ್ಯಾವಳಿಯಲ್ಲಿ ಭಾರತ ತಂಡ ಎರಡನೇ ಪಂದ್ಯದಲ್ಲಿ ಪಪುವಾ ನ್ಯೂ ಗಿನಿಯಾ ವಿರುದ್ಧ 10 ವಿಕೆಟ್ ಗಳಿಂದ ಭರ್ಜರಿ ಜಯ ಗಳಿಸಿದೆ. ಭಾರತ ಪರ ನಾಯಕ ಪೃಥ್ವಿ ಶಾ ಅಜೇಯ 57 ರನ್ ಸಿಡಿಸಿ ಪಂದ್ಯದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.
ಪಪುವಾ ನ್ಯೂ ಗಿನಿಯಾ ತಂಡದಲ್ಲಿ ಐವರು ಆಟಗಾರರು ಶ್ಯೂನಕ್ಕೆ ಔಟಾಗಿದ್ದಾರೆ. ಇನ್ನುಳಿದಂತೆ ಅಥೈ 13, ಸಾಮ್ 15, ಅರುವಾ 12 ರನ್ ಗಳಿಸಿದ್ದಾರೆ. ಭಾರತ ಪರ ದಿಟ್ಟ ಬೌಲಿಂಗ್ ಪ್ರದರ್ಶಿಸಿದ ಅಂಕುಲ್ ಸುಧಾಕರ್ ರಾಯ್ 5 ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ.
ಪಂದ್ಯಾವಳಿಯಲ್ಲಿ ಆಡಿರುವ ಭಾರತ ಎರಡು ಪಂದ್ಯಗಳನ್ನು ಗೆದ್ದು 4 ಅಂಕಗಳೊಂದಿಗೆ ಗ್ರೂಪ್ ಬಿಯಲ್ಲಿ ಅಗ್ರ ಸ್ಥಾನದಲ್ಲಿದೆ.
