ಬ್ರಿಸ್ಟೋಲ್: ಬ್ರಿಸ್ಟೋಲ್ ಕೌಂಟಿ ಮೈದಾನದಲ್ಲಿ ನಡೆಯುತ್ತಿರುವ ಭಾರತದ ವಿರುದ್ಧ 3ನೇ ಟಿ20 ಪಂದ್ಯದಲ್ಲಿ ಇಂಗ್ಲೆಂಡ್ ತಂಡ 198 ರನ್ ಗಳ ಬೃಹತ್ ಮೊತ್ತ ಪೇರಿಸಿದೆ.
ಇಂಗ್ಲೆಂಡ್ ನ ಜೇಸನ್ ರಾಯ್ (67 ರನ್) ಅವರ ಆಕರ್ಷಕ ಅರ್ಧಶತಕದ ಮೂಲಕ 198 ರನ್ ಪೇರಿಸಿತು. ಉಳಿದಂತೆ ಜಾಸ್ ಬಟ್ಲರ್ 34 ರನ್, ಅಲೆಕ್ಸ್ ಹಲೇಕ್ಸ್ 30 ರನ್ ಗಳಿಸಿ ತಂಡದ ಮೊತ್ತ 180ರ ಗಡಿ ದಾಟುವಂತೆ ನೋಡಿಕೊಂಡರು.
ಭಾರತದ ಪರ ಹಾರ್ದಿಕ್ ಪಾಂಡ್ಯಾ 4 ವಿಕೆಟ್ ಪಡೆದು ಯಶಸ್ವಿ ಬೌಲರ್ ಎನಿಸಿಕೊಂಡರು. ಅಂತೆಯೇ ಕೌಲ್ 2 ವಿಕೆಟ್ ಪಡೆದರು.
ಇತ್ತೀಚಿನ ವರದಿಗಳು ಬಂದಾಗ ಬೃಹತ್ ಮೊತ್ತವನ್ನು ಬೆನ್ನು ಹತ್ತಿರುವ ಭಾರತ 7.4 ಓವರ್ ಗಳಲ್ಲಿ 2 ವಿಕೆಟ್ ನಷ್ಟಕ್ಕೆ 80ರನ್ ಪೇರಿಸಿದೆ.