ವಿಚಿತ್ರ ರನ್ಔಟ್: ನಗೆಪಾಟಲಿಗೀಡಾದ ಪಾಕ್ ಬ್ಯಾಟ್ಸ್ ಮನ್, ವಿಡಿಯೋ ನೋಡಿದ್ರೆ ನಗು ಬರುತ್ತೆ!
ಆಸ್ಟ್ರೇಲಿಯಾ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಪಾಕಿಸ್ತಾನದ ಪರ ಉತ್ತಮವಾಗಿ ಆಡುತ್ತಿದ್ದ ಬ್ಯಾಟ್ಸ್ ಮನ್ ಅಜರ್ ಅಲಿ ಅವರು ವಿಚಿತ್ರ ರೀತಿಯಲ್ಲಿ ರನ್ ಔಟ್ ಆಗಿ ನಗೆಪಾಟಲಿಗೀಡಾಗಿದ್ದಾರೆ...
ಆಸ್ಟ್ರೇಲಿಯಾ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಪಾಕಿಸ್ತಾನದ ಪರ ಉತ್ತಮವಾಗಿ ಆಡುತ್ತಿದ್ದ ಬ್ಯಾಟ್ಸ್ ಮನ್ ಅಜರ್ ಅಲಿ ಅವರು ವಿಚಿತ್ರ ರೀತಿಯಲ್ಲಿ ರನ್ ಔಟ್ ಆಗಿ ನಗೆಪಾಟಲಿಗೀಡಾಗಿದ್ದಾರೆ.
ಅಜರ್ ಅಲಿ ಆಸ್ಟ್ರೇಲಿಯಾದ ಬೌಲರ್ ಪೀಟರ್ ಸಿಡ್ಲ್ ಅವರ 3ನೇ ಎಸೆತವನ್ನು ಥರ್ಡ್ ಮ್ಯಾನ್ ಕಡೆ ಬಾರಿಸಿದರು. ಈ ವೇಳೆ ಫೀಲ್ಡರ್ ಯಾರು ಇಲ್ಲವೆಂದು ತಿಳಿದ ಅಜರ್ ಚೆಂಡು ಬೌಂಡರಿಗೆ ತಲುಪಿದೆ ಎಂದು ಅರಿತು ರನ್ ಕದಿಯದೆ ತಮ್ಮ ಸಹ ಬ್ಯಾಟ್ಸ್ ಮನ್ ಅಸದ್ ಶಾಫಿಕ್ ಬಳಿ ತೆರಳುತ್ತಾರೆ.
ಈ ವೇಳೆ ಚೆಂಡು ಬೌಂಡರಿ ಗೆರೆಯನ್ನು ಮುಟ್ಟಲಿಲ್ಲ ಎಂಬುದನ್ನು ಗಮನಿಸಿದ ಫೀಲ್ಡರ್ ಮಿಚೆಲ್ ಸ್ಟಾರ್ಕ್ ಕೀಪರ್ ಟೀಮ್ ಪೈನೆಗೆ ಚೆಂಡನ್ನು ಎಸೆದು ರನೌಟ್ ಮಾಡುತ್ತಾರೆ. ಅಜರ್ ಪಿಚ್ ಮಧ್ಯದಲ್ಲಿ ಶಾಫಿಕ್ ಜತೆ ಸಂಭಾಷಣೆಯಲ್ಲಿ ತೊಡಿಗಿರುವಾಗ ಈ ಘಟನೆ ನಡೆದಿದೆ. ಒಟ್ಟಿನಲ್ಲಿ 64 ರನ್ ಗಳಿಸಿ ಉತ್ತಮವಾಗಿ ಆಡುತ್ತಿದ್ದ ಅಜರ್ ಚೆಂಡನ್ನು ಸರಿಯಾಗಿ ಗಮನಿಸಿದೆ ಔಟ್ ಆಗಿ ನಿರ್ಗಮಿಸಿದ್ದಾರೆ.
ಅಜರ್ ರನೌಟ್ ಆದ ಸನ್ನಿವೇಶ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಟ್ವೀಟರ್ ನಲ್ಲಿ ಸಾಕಷ್ಟು ಕಾಮೆಂಟ್ ಗಳು ಬರುತ್ತಿವೆ.
Pakistan cricket at their very best! The two batsmen are chatting in the middle of the pitch, without realising that the ball hadn't reached the boundary
