ಇಂಡಿಯನ್ ಕ್ಯಾಪ್ಟನ್ (@lndianCaptain) ಎಂಬ ಟ್ವಿಟರ್ ಖಾತೆದಾರರ ಈ ಕುರಿತಂತೆ ಟ್ವೀಟ್ ಮಾಡಿದ್ದು, ಬ್ಯಾಟಿಂಗ್ ಮತ್ತು ಬೌಲಿಂಗ್ ಅನ್ನು ವಿಶೇಷ ಕೌಶಲ್ಯ ಎಂದು ಪರಿಗಣಿಸಿ ಅದಕ್ಕೆ ರ‍್ಯಾಂಕಿಂಗ್ ವ್ಯವಸ್ಥೆ ಕಲ್ಪಿಸಲಾಗಿದೆ. ಅಂತೆಯೇ ವಿಕೆಟ್ ಕೀಪಿಂಗ್ ಅನ್ನೂ ಕೂಡ ಐಸಿಸಿ ವಿಶೇಷ ಕೌಶಲ್ಯ ಎಂದು ಪರಿಗಣಿಸಬೇಕು. ಬ್ಯಾಟಿಂಗ್ ಮತ್ತು ಬೌಲಿಂಗ್ ನಂತೆಯೇ ವಿಕೆಟ್ ಕೀಪಿಂಗ್ ಗೂ ಕೂಡ ಸಾಕಷ್ಟು ಕೌಶಲ್ಯಗಳು ಬೇಕು.. ಪರಿಣಿತಿ ಹೊಂದಿರದ ಹೊರತು ಅದರಲ್ಲಿ ಯಶಸ್ಸು ಸಾಧಿಸಲು ಸಾಧ್ಯವಿಲ್ಲ. ಹೀಗಾಗಿ ವಿಕೆಟ್ ಕೀಪಿಂಗ್ ಗೂ ರ‍್ಯಾಂಕಿಂಗ್ ವ್ಯವಸ್ಥೆ ಕಲ್ಪಿಸಬೇಕು ಎಂದು ಐಸಿಸಿಗೆ ಮನವಿ ಮಾಡಿದ್ದಾರೆ.
