'ಮಾಯವಾಯ್ತ ಚೆಂಡು'?: ಬೌಂಡರಿ ಗೆರೆಯಲ್ಲಿ ಚೆಂಡನ್ನು ಹುಡುಕಲು ಪರದಾಡಿದ ಫೀಲ್ಡರ್ಸ್, ವಿಡಿಯೋ ನೋಡಿ ನಗ್ತೀರಾ!

ವಿಶಾಖಪಟ್ಟಣಂ: ದಕ್ಷಿಣ ಆಫ್ರಿಕಾ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದಲ್ಲಿ ರವೀಂದ್ರ ಜಡೇಜಾ ಸಿಡಿಸಿದ ಚೆಂಡು ಬೌಂಡರಿ ಗೆರೆಯಲ್ಲಿ ದಿಢೀರ್ ಅಂತ ಮಾಯವಾಯ್ತಾ. ಹೌದು ಅನ್ನುವಂತೆ ಕೆಲವೊತ್ತು ಫೀಲ್ಡರ್ಸ್ ಚೆಂಡನ್ನು ಹುಡುಕಾಡಿದ ವಿಡಿಯೋ ಇದೀಗ ವೈರಲ್ ಆಗಿದೆ. 

ಮಹಾರಾಜ್ ಬೌಲಿಂಗ್ ನಲ್ಲಿ ಜಡೇಜಾ ಚೆಂಡನ್ನು ಬಾರಿಸಿದರು. ಚೆಂಡು ಬೌಂಡರಿಯಲ್ಲಿ ಹಾಕಲಾಗಿದ್ದ ರೂಫ್ಗೆ ಸಿಲುಕಿಕೊಂಡಿದೆ. ಮೊದಲಿಗೆ ಚೆಂಡು ಯಾರಿಗೂ ಕಾಣಸಿಕ್ಕಿರಲಿಲ್ಲ. ಫೀಲ್ಡರ್ಸ್ ಜೊತೆಗೆ ಬಾಲ್ ಬಾಯ್ ಗಳು ಸಹ ಚೆಂಡನ್ನು ಹುಡುಕಾಡುತ್ತಿದ್ದರು. ಈ ಮಧ್ಯೆ ಕ್ಯಾಮೆರಾ ಮ್ಯಾನ್ ಜೂಮ್ ಹಾಕಿ ಚೆಂಡನ್ನು ತೋರಿಸಿದರು. 

ಆದರೆ ಬೌಂಡರಿ ಗೆರೆಯಲ್ಲಿ ಚೆಂಡನ್ನು ಹುಡುಕುತ್ತಿದ್ದವರು ಟಿವಿ ಪರದೆಯನ್ನು ನೋಡದ ಅವರಿಗೆ ತಿಳಿಯಲಿಲ್ಲ. ಈ ವೇಳೆ ಮಾರ್ಕನ್ ಓಡಿ ಬಂದು ಚೆಂಡನ್ನು ತೆಗೆದುಕೊಂಡರು. ಈ ವಿಡಿಯೋ ನೆರೆದಿದ್ದ ಪ್ರೇಕ್ಷಕರಲ್ಲಿ ನಗು ಬರಿಸಿತ್ತು. 

ಟೆಸ್ಟ್ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದ ಟೀಂ ಇಂಡಿಯಾ 502 ರನ್ ಗಳಿಗೆ ಮೊದಲ ಇನ್ನಿಂಗ್ಸ್ ಡಿಕ್ಲೇರ್ ಮಾಡಿಕೊಂಡಿತು. ನಂತರ ಇನ್ನಿಂಗ್ಸ್ ಪ್ರಾರಂಭಿಸಿದ ದಕ್ಷಿಣ ಆಫ್ರಿಕಾ 431 ಗಳಿಗೆ ಆಲೌಟ್ ಆಯಿತು. 71 ರನ್ ಗಳ ಮುನ್ನಡೆಯೊಂದಿಗೆ ಭಾರತ ಎರಡನೇ ಇನ್ನಿಂಗ್ಸ್ ಆರಂಭಿಸಿದೆ.