ಟೀಂ ಇಂಡಿಯಾ ಮಾಜಿ ಕೋಟ್ ಗ್ರೇಗ್ ಚಾಪೆಲ್ ಗೆ ಆರ್ಥಿಕ ಸಂಕಷ್ಟ; ನೆರವಿಗೆ ಮುಂದಾದ ಸ್ನೇಹಿತರು

ಸಿಡ್ನಿ: ಆರ್ಥಿಕ ಸಂಕಷ್ಟಕ್ಕೆ ತುತ್ತಾಗಿರುವ ಟೀಂ ಇಂಡಿಯಾ ಮಾಜಿ ಕೋಟ್ ಗ್ರೇಗ್ ಚಾಪೆಲ್ ಗೆ ಅವರ ಕ್ರಿಕೆಟ್ ಲೋಕದ ಸ್ನೇಹಿತರು ನೆರವಿಗೆ ಮುಂದಾಗಿದ್ದು, ನಿಧಿ ಸಂಗ್ರಹದ ಮೂಲಕ ನೆರವಿಗೆ ಮುಂದಾಗಿದ್ದಾರೆ.

ಗ್ರೆಗ್​ ಚಾಪೆಲ್(Greg Chappell)​ ಅವರು ತೀವ್ರ ಆರ್ಥಿಕ ಸಂಕಷ್ಟಕ್ಕೆ(Facing Financial Struggle) ಸಿಲುಕಿದ್ದು, ನಿಧಿ ಸಂಗ್ರಹದ ಮೂಲಕ ಅವರಿಗೆ ನೆರವಾಗಲು ಗೆಳೆಯರು ಆನ್​ಲೈನ್​ ಅಭಿಯಾನ ಆರಂಭಿಸಿದ್ದಾರೆ. ಆರ್ಥಿಕ ಸಂಕಷ್ಟ ಎದುರಿಸುತ್ತಿರುವ ಚಾಪೆಲ್​ಗೆ “ಗೋಫಂಡ್​ಮೀ’ ಪೇಜ್​ ಮೂಲಕ ಅವರ ಗೆಳೆಯರು ನಿಧಿ ಸಂಗ್ರಹಿಸುತ್ತಿದ್ದು, ಇದಕ್ಕೆ ಅವರ ಸಹೋದರರು ಹಾಗೂ ಮಾಜಿ ಕ್ರಿಕೆಟಿಗರಾದ ಇಯಾನ್​ ಮತ್ತು ಟ್ರೆವರ್​ ಚಾಪೆಲ್​ ಕೂಡ ಕೈಜೋಡಿಸಿದ್ದಾರೆ.

ಇದನ್ನೂ ಓದಿ: ಐಸಿಸಿ ಏಕದಿನ ವಿಶ್ವಕಪ್: ಹಾಲಿ ಚಾಂಪಿಯನ್ನರಿಗೆ ಮತ್ತೆ ಮುಖಭಂಗ, ಶ್ರೀಲಂಕಾಗೆ 8 ವಿಕೆಟ್ ಗಳ ಭರ್ಜರಿ ಜಯ

ಈ ಹಿಂದೆ “ನಾನು ಬಡವನೆಂದು ಕಣ್ಣೀರು ಹಾಕುತ್ತಿಲ್ಲ. ಆದರೆ ಈಗಿನ ಕ್ರಿಕೆಟಿಗರು ಅನುಭವಿಸುತ್ತಿರುವ ಶ್ರೀಮಂತ ಜೀವನ ನನ್ನದಲ್ಲ” ಎಂದು ಚಾಪೆಲ್​ ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ. ಅಲ್ಲದೆ ತನ್ನ ಕಾಲದ ಕ್ರಿಕೆಟಿಗರ ಪೈಕಿ ತಾನೊಬ್ಬನೇ ಈ ಪರಿಸ್ಥಿತಿಯನ್ನು ಎದುರಿಸುತಿಲ್ಲ, ಇನ್ನೂ ಅನೇಕರು ಇದೇ ರೀತಿಯ ಆರ್ಥಿಕ ಸಂಕಷ್ಟಗಳನ್ನು ಎದುರಿಸುತ್ತಿದ್ದಾರೆ ಎಂದಿದ್ದರು.

ಇನ್ನು ಈ ಹಿಂದೆ ಟೀಂ ಇಂಡಿಯಾ ಕೋಚ್ ಆಗಿದ್ದ ಗ್ರೇಗ್ ಚಾಪೆಲ್ ಭಾರತ ತಂಡವನ್ನು ಆಸ್ಟ್ರೇಲಿಯಾದಂತೆ ಮಾಡುತ್ತೇನೆ ಎಂದು ಭಾರತ ತಂಡವನ್ನು ತಮ್ಮ ಎಡವಟ್ಟು ನಿರ್ಧಾರಗಳಿಂದ ಹಳ್ಳಹಿಡಿಸಿದ್ದರು. ಆಸ್ಟ್ರೇಲಿಯಾದ ಮಾಜಿ ಆಟಗಾರನಾಗಿರುವ 75 ವರ್ಷದ ಗ್ರೇಗ್ ಚಾಪೆಲ್​ ಅವರು 2005ರಿಂದ 2007ರ ಅವಧಿಯಲ್ಲಿ ಭಾರತ ತಂಡದ ಪ್ರಧಾನ ಕೋಚ್​ ಆಗಿದ್ದರು.

ಇದನ್ನೂ ಓದಿ: ಭಾರತೀಯ ಮಹಿಳಾ ಕ್ರಿಕೆಟ್ ತಂಡದ ಮುಖ್ಯ ಕೋಚ್ ಆಗಿ ಅಮೋಲ್ ಮಜುಂದಾರ್ ನೇಮಕ!

ಇವರು ಕೋಚಿಂಗ್​ಗಿಂತ ವಿವಾದದಲ್ಲೇ ಹೆಚ್ಚು ಸುದ್ದಿಯಾಗಿದ್ದರು. ಸೌರವ್​ ಗಂಗೂಲಿ ಜತೆಗಿನ ಕಿತ್ತಾಟದಿಂದ ಕೊನೆಗೆ ಕೋಚಿಂಗ್​ ಹುದ್ದೆಯನ್ನೇ ತ್ಯಜಿಸಿದ್ದರು. ಭಾರತ ತಂಡ ಕಂಡ ಅತ್ಯಂತ ಕೆಟ್ಟ ಕೋಚ್​ ಇವರಾಗಿದ್ದರು. ಬಲಿಷ್ಠ ಭಾರತ ತಂಡವನ್ನು ಒಂದು ಹಂತದಲ್ಲಿ ಸರ್ವನಾಶ ಮಾಡಿದ್ದು ಇದೇ ಚಾಪೆಲ್​ ಎಂದು ಈಗಲೂ ಕೆಲ ಮಾಜಿ ಆಟಗಾರರು ಕಿಡಿಕಾರುತ್ತಾರೆ.

ಇದೇ ವಿಚಾರವಾಗಿ ಕ್ರಿಕೆಟ್​ನ ಸವ್ಯ ಸಾಚಿ ಸಚಿನ್‌ ತೆಂಡೂಲ್ಕರ್​ ಕೂಡ ಚಾಪೆಲ್‌ ಕೋಚ್‌ ಅಗಿದ್ದ ಎರಡು ವರ್ಷ ಭಾರತೀಯ ಕ್ರಿಕೆಟ್‌ ಅತ್ಯಂತ ಕಷ್ಟದ ವಾತಾವರಣವನ್ನು ಎದುರಿಸಿತ್ತು ಎಂದು ಹಿಂದೊಮ್ಮೆ ಹೇಳಿದ್ದರು.