ಮೆಂತ್ಯ ರೈಸ್

ಬೇಕಾಗುವ ಪದಾರ್ಥಗಳು...

• ಹಸಿಮೆಣಸಿನ ಕಾಯಿ- 8-10

• ಶುಂಠಿ, ಬೆಳ್ಳುಳ್ಳಿ-ಸ್ವಲ್ಪ

• ಪುದೀನಾ- ಸ್ವಲ್ಪ

• ಗಸಗಸೆ-ಸ್ವಲ್ಪ

• ಕೊತ್ತಂಬರಿ ಸೊಪ್ಪು- ಸ್ವಲ್ಪ

• ತೆಂಗಿನ ತುರಿ- 4-6 ಚಮಚ

• ಗೋಂಡಬಿ- 8-10

• ಈರುಳ್ಳಿ- ಸಣ್ಣಗೆ ಹೆಚ್ಚಿದ್ದು 2

• ಕರಿಬೇವು-ಸ್ವಲ್ಪ

• ಪಲಾವ್ ಎಲೆ- ಸ್ವಲ್ಪ

• ಪಲಾವ್ ಸಾಮಾಗ್ರಿ- ಸ್ವಲ್ಪ

• ಬಟಾಣಿ- ಅರ್ಧ ಬಟ್ಟಲು

• ಗರಂ ಮಸಾಲಾ ಪುಡಿ- 1 ಚಮಚ

• ಅರಿಶಿಣದ ಪುಡಿ- ಸ್ವಲ್ಪ

• ಉಪ್ಪು- ರುಚಿಗೆ ತಕ್ಕಷ್ಟು

• ಅಕ್ಕಿ- ಒಂದೂವರೆ ಬಟ್ಟಲು

• ಮೆಂತ್ಯೆ ಸೊಪ್ಪು- 1 ಬಟ್ಟಲು

• ಟೊಮೆಟೋ- ಸಣ್ಣಗೆ ಹೆಚ್ಚಿದ್ದು 3

• ದನಿಯಾ ಪುಡಿ- ಒಂದು ಚಮಚ

• ತುಪ್ಪ -ಸ್ವಲ್ಪ

• ನಿಂಬೆ ರಸ- ಒಂದು ಚಮಚ

ಮಾಡುವ ವಿಧಾನ...

• ಮೊದಲಿಗೆ ಮಿಕ್ಸಿ ಜಾರ್'ಗೆ ಹಸಿಮೆಣಸಿನ ಕಾಯಿ. ಶುಂಠಿ, ಬೆಳ್ಳುಳ್ಳಿ, ಪುದೀನಾ, ಗಸಗಸೆ, ಕೊತ್ತಂಬರಿ ಸೊಪ್ಪು, ತೆಂಗಿನ ತುರಿ, ಗೋಂಡಬಿಯನ್ನು ಹಾಕಿ ನುಣ್ಣಗೆ ರುಬ್ಬಿಕೊಳ್ಳಿ.

• ಒಲೆಯ ಮೇಲೆ ಕುಕ್ಕರ್ ಇಟ್ಟು ಅದಕ್ಕೆ ಸ್ವಲ್ಪ ತುಪ್ಪ ಹಾಗೂ ಎಣ್ಣೆಯನ್ನು ಹಾಕಿ. ಕಾದ ನಂತರ ಪಲಾವ್ ಎಲೆ ಹಾಗೂ ಪಲಾವ್ ಸಾಮಾಗ್ರಿಗಳನ್ನು ಹಾಕಿ. ನಂತರ ಈರುಳ್ಳಿಯನ್ನು ಹಾಕಿ ಕೆಂಪಗೆ ಹುರಿದುಕೊಳ್ಳಿ.

• ನಂತರ ಬಟಾಣಿ, ಗರಂ ಮಸಾಲಾ ಪುಡಿ. ಅರಿಶಿಣದ ಪುಡಿ ಹಾಗೂ ರುಬ್ಬಿಕೊಂಡ ಮಸಾಲೆಯನ್ನು ಹಾಕಿ ಚೆನ್ನಾಕಿ ಮಿಶ್ರಣ ಮಾಡಿ. ಇದೀಗ ಮೆಂತ್ಯೆ ಸೊಪ್ಪು, ಟೊಮೆಟೋ, ದನಿಯಾ ಪುಡಿ ಹಾಕಿ ಟೊಮೆಟೋ ಮೆತ್ತಗಾಗುವವರೆಗೆ ಕೈಯಾಡಿಸುತ್ತಿರಿ.

• ನಂತರ ರುಚಿಗೆ ತಕ್ಕಷ್ಟು ಉಪ್ಪು, ಅಕ್ಕಿ ಹಾಗೂ ಅಳತೆ ನೀರು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ, ತುಪ್ಪ ಹಾಗೂ ನಿಂಬೆ ರಸವನ್ನು ಸೇರಿಸಿ ಮುಚ್ಚಳ ಮುಚ್ಚಿ, 2 ಕೂಗು ಕೂಗಿಸಿದರೆ ರುಚಿಕರವಾದ ಮೆಂತ್ಯೆ ರೈಸ್ ಸವಿಯಲು ಸಿದ್ಧ.