ವೋಡಾಫೋನ್ ಗ್ರಾಹಕರಿಗೆ ಇನ್ನು ಮುಂದೆ ಆಪಲ್ ವಾಚ್ ಸೆಲ್ಯುಲರ್ ಸೌಲಭ್ಯ! 

ನವದೆಹಲಿ: ವೋಡಾಫೊನ್ ಗ್ರಾಹಕರಿಗೆ ಇನ್ನು ಮುಂದೆ ಆಪಲ್ ವಾಚ್ ಸೆಲ್ಯುಲರ್ ಸೌಲಭ್ಯ ಸಿಗಲಿದೆ. 

ವೋಡಾಫೋನ್ ಗ್ರಾಹಕರಿಗೆ ಇನ್ನು ಮುಂದೆ ಆಪಲ್ ವಾಚ್ ಸೆಲ್ಯುಲರ್ ಸೌಲಭ್ಯ ಸಿಗಲಿದೆ. ಭಾರತದಲ್ಲಿ ವೋಡಾಫೋನ್ ಸಂಸ್ಥೆ ಇ ಸಿಮ್ ಅಥವಾ ಸೆಲ್ಯುಲರ್ ಸರ್ವೀಸ್ ಫಾರ್ ಆಪಲ್ ವಾಚ್ (ಜಿಪಿಎಸ್+ಸೆಲ್ಯುಲರ್) ನ್ನು ಪ್ರಾರಂಭಿಸಿದೆ. 

ಇ ಸಿಮ್ ಸಪೋರ್ಟ್ ನಿಂದಾಗಿ ಆಪಲ್ ವಾಚ್ ಮೂಲಕವೂ ಕರೆ ಸ್ವೀಕರಿಸುವುದು ಅಥವಾ ಕರೆ ಮಾಡುವುದು, ಡಾಟಾ ಬಳಕೆ ಮಾಡುವುದು ಸಾಧ್ಯವಾಗಲಿದೆ. ಈ ವರೆಗೂ ಏರ್ಟೆಲ್-ರಿಲಾಯನ್ಸ್ ಜಿಯೋ ನೆಟ್ವರ್ಕ್ ಮಾತ್ರವೇ ಆಪಲ್ ವಾಚ್ ಗಳಿಗೆ ಇ ಸಿಮ್ ಸಪೋರ್ಟ್ ಹೊಂದ್ದಿದವು. ಇನ್ನು ಮುಂದಿನ ದಿನಗಳಲ್ಲಿ ವೋಡಾಫೋನ್ ನೆಟ್ವರ್ಕ್ ನಿಂದ ಆಪಲ್ ವಾಚ್ ಮೂಲಕ ಕರೆ ಸ್ವೀಕರಿಸುವುದು ಅಥವಾ ಕರೆ ಮಾಡುವ ಸೌಲಭ್ಯವನ್ನು ಹೊಂದಬಹುದಾಗಿದೆ. 

ಮುಂಬೈ, ದೆಹಲಿ, ಗುಜರಾತ್ ಸೇರಿದಂತೆ ಆಯ್ದ ಪ್ರದೇಶಗಳಲ್ಲಿ ಮಾತ್ರ ವೋಡಾಫೋನ್ ಈ ಸೌಲಭ್ಯ ನೀಡಿದ್ದು, ಪೋಸ್ಟ್ ಪೇಯ್ಡ್ ಗ್ರಾಹಕರಿಗೆ ಮಾತ್ರ ಇದು ಅನ್ವಯವಾಗಲಿದೆ.