ಬಿಪಿಗೆ ಮನೆಮದ್ದು

ಬಿಪಿ ಈಗ ಎಲ್ಲರಿಗೂ ಕಾಮನ್. ಅದಕ್ಕೆ ವ್ಯಾಯಾಮ, ಯೋಗದೊಂದಿಗೆ ಮನೆಯಲ್ಲೇ ಮಾಡಿಕೊಳ್ಳಬಹುದಾದ ಕೆಲವು ಮದ್ದುಗಳಿವೆ. ತಿಳಿದುಕೊಳ್ಳಿ....
-    ರಾತ್ರಿ ಮಲಗುವ ಮೊದಲು 6 ಬೆಳ್ಳುಳ್ಳಿ ಜಜ್ಜಿ ಒಂದು ಪಾತ್ರೆಯಲ್ಲಿ ಹಾಕಿ. ಅದಕ್ಕೆ ಒಂದು ಹಿಡಿ ಒಣ ದ್ರಾಕ್ಷಿ, ಒಂದು ಲೋಟ ಹಾಲನ್ನು ಸೇರಿಸಿ. ಮಂದ ಉರಿಯ ಮೇಲಿಟ್ಟು ಕುದಿಸಿ ಇಳಿಸಿದ ನಂತರ ಬೆಳ್ಳುಳ್ಳಿಯನ್ನು ತೆಗೆದು ಆ ದ್ರಾಕ್ಷಿಯನ್ನು ತಿಂದು ಹಾಲನ್ನು ಕುಡಿಯಿರಿ. 21-42 ದಿನಗಳ ಇದರ ಸೇವನೆ ಅಗತ್ಯ.
-    ಅಕ್ಕಿ ಅಥವಾ ಬತ್ತದ ಅರಳಿನ ತೆಳ್ಳನೆ ಗಂಜಿ ಮಾಡಿ ಅದರಲ್ಲಿ ತಲಾ ಒಂದು ಚಮಚ ಬೆಳ್ಳುಳ್ಳಿ, ನಿಂಬೆ, ಜೇನು ಸೇರಿಸಿ ದಿನಕ್ಕೆರಡು ವೇಳೆ 3-4 ವಾರ ಸೇವಿಸಿ.
-    ರಾತ್ರಿ ಒಂದು ಲೋಟ ನೀರಿನಲ್ಲಿ 2 ಚಮಚ ಹಸಿ ಕೊತ್ತಂಬರಿ ಬೀಜದ ಚೂರ್ಣ ಹಾಕಿ ಮುಚ್ಚಿಡಿ. ಬೆಳಗ್ಗೆ ಅದನ್ನು ಚೆನ್ನಾಗಿ ಹಿಸುಕಿ, ಅದಕ್ಕೆ 7 ಗ್ರಾಂ ಕಲ್ಲು ಸಕ್ಕರೆ ಪುಡಿ ಸೇರಿಸಿ ನಿತ್ಯ ಬೆಳಗ್ಗೆ ಸೇವಿಸಿ.
-    ನಿತ್ಯ ಬೆಟ್ಟದ ನೆಲ್ಲಿ ರಸ ಸೇವಿಸಿ.
-    ಕಲ್ಲಂಗಡಿ ಬೀಜ ಮತ್ತು ಗಸಗಸೆ ಪುಡಿಯನ್ನು ಒಂದು ಟೀ ಚಮಚದಷ್ಟು ಖಾಲಿ ಹೊಟ್ಟೆಯಲ್ಲಿ ಸೇವಿಸಿ
-    ಒಂದು ಟೀ ಚಮಚದಷ್ಟು ಮೆಂತ್ಯ ಪುಡಿಯನ್ನು ನೀರಿನೊಂದಿಗೆ ಖಾಲಿ ಹೊಟ್ಟೆಯಲ್ಲಿ ಎರಡು ಬಾರಿ 10-15 ದಿನಗಳವರೆಗೆ ಸೇವಿಸಿ.
-    ಅರ್ಧ ಚಮಚ ಈರುಳ್ಳಿ ರಸಕ್ಕೆ ಜೇನುತುಪ್ಪ ಬೆರೆಸಿ 2 ಚಮಚದಷ್ಟು ಪ್ರಮಾಣದಲ್ಲಿ ಸೇವಿಸಿ.
-    ದಾಸವಾಳ ಪುಷ್ಪದ 2-3 ದಳಗಳನ್ನು ಜಗಿದು ರಸ ಸೇವಿಸಿ.
-    ತಾಜಾ ಪರಂಗಿ ಹಣ್ಣನ್ನು ಖಾಲಿ ಹೊಟ್ಟೆಯಲ್ಲಿ ಒಂದು ತಿಂಗಳವರೆಗೆ ಸೇವಿಸಿ.