ನಗರದಲ್ಲಿ ಆ್ಯಪ್ ಆಧಾರಿತ ಕ್ಯಾಬ್'ಗಳ ಕೊರತೆಯಿದೆ: ಬೆಂಗಳೂರು ಪೊಲೀಸರು

ಬೆಂಗಳೂರು: ನಗರದಲ್ಲಿ ಆ್ಯಪ್ ಆಧಾರಿತ ಕ್ಯಾಬ್'ಗಳ ಕೊರತೆಯಿದೆ ಎಂದು ಬೆಂಗಳೂರು ನಗರ ಪೊಲೀಸರು ಹೇಳಿದ್ದಾರೆ. 

ಡಿ.31ರ ಮಧ್ಯರಾತ್ರಿ ಹೊಸವರ್ಷದ ಸಂಭ್ರಮವನ್ನು ಆಚರಿಸಲೆಂದು ಹೊರಗೆ ಬಂದಿದ್ದ ಸಾಕಷ್ಟು ಜನರು, ಸಂಭ್ರಮದ ಬಳಿಕ ಸರಿಯಾದ ಸಮಯಕ್ಕೆ ಕ್ಯಾಬ್ ಹಾಗೂ ಆಟೋಗಳು ದೊರಕದೆ ಪರದಾಡುವಂತಾಗಿತ್ತು. ಗಂಟೆಗಟ್ಟಲೆ ಕಾದರೂ ಜನರಿಗೆ ಕ್ಯಾಬ್, ಆಟೋಗಳು ದೊರಕುತ್ತಿರಲಿಲ್ಲ. 

ವೈಟ್ ಫೀಲ್ಡ್ ಪೊಲೀಸ್ ಠಾಣೆಯ ಡಿಸಿಪಿ ಅಬ್ದುಲ್ ಅಹದ್ ಅವರು ಮಾತನಾಡಿ, ಹೊಸ ವರ್ಷಾಚರಣೆ ದಿನದಂದು ಸಾಕಷ್ಟು ಜನರು ಕ್ಯಾಬ್ ಹಾಗೂ ಆಟೋಗಳು ದೊರಕದೆ ರಸ್ತೆಗಳಲ್ಲಿ ಸಂಕಷ್ಟ ಎದುರಿಸುತ್ತಿದ್ದರು. ಈ ಹಿನ್ನಲೆಯಲ್ಲಿ ಗಸ್ತು ವಾಹನಗಳಲ್ಲಿಯೇ ನಾಗರಿಕರನ್ನು ಅವರವರ ಮನೆಗಳಿಗೆ ಬಿಡಲಾಗಿತ್ತು. ಮಹಿಳೆಯರು, ಮಕ್ಕಳು ಹಾಗೂ ಹಿರಿಯ ನಾಗರೀಕರಿಗೆ ಹೆಚ್ಚಿನ ಪ್ರಾಮುಖ್ಯತೆಯನ್ನು ನೀಡಲಾಗಿತ್ತು ಎಂದು ಹೇಳಿದ್ದಾರೆ.