ಬಿಕನೇರ್: ಸಾರ್ವಜನಿಕ ಕಾರ್ಯಕ್ರಮವೊಂದರಲ್ಲಿ ರಾಜಸ್ಥಾನದ ಬಿಜೆಪಿ ಶಾಸಕಿ, ಚುನಾವಣಾ ಸಮಯದಲ್ಲಿ ನಗದು ತುಂಬಿದ ಪ್ಯಾಕೆಟ್ ಗಳನ್ನು ಪ್ರಾದೇಶಿಕ ಪತ್ರಕರ್ತರಿಗೆ ಹಂಚಿದ್ದಾಗಿಯೂ ಮೂವರನ್ನು ಹೊರತುಪಡಿಸಿ ಉಳಿದವರೆಲ್ಲಾ ಅವುಗಳನ್ನು ಸ್ವೀಕರಿಸಿದರು ಎಂದು ಹೇಳಿದ್ದು ವಿವಾದಕ್ಕೆ ಎಡೆ ಮಾಡಿಕೊಟ್ಟಿದೆ.
ಅನೂಪ್ ಘರ್ ನ ಬಿಜೆಪಿ ಶಾಸಕ ಶಿಮ್ಲಾ ಬಾವ್ರಿ ಅವರು ಶ್ರೀಗಂಗಾನಗರ್ ಜಿಲ್ಲೆಯಲ್ಲಿ ನಡೆದ ಸಾರ್ವಜನಿಕ ಕಾರ್ಯಕ್ರಮದಲ್ಲಿ ಜುಲೈ ೧೮ರಂದು ಈ ವಿಷಯ ಬಹಿರಂಗಪಡಿಸಿದ್ದು, ಈ ಕಾರ್ಯಕ್ರಮದ ವಿಡಿಯೋ ಅಂತರ್ಜಾಲ ತಾಣದಗಾಲ್ಲಿ ವೈರಲ್ ಆಗಿ ವೀಕ್ಷಣೆಗೆ ಒಳಪಟ್ಟಿದೆ.
ಆದರೆ ನಂತರ ಇದನ್ನು ಅಲ್ಲಗೆಳೆದಿರುವ ಶಾಸಕಿ, ನಾನು ಅಂತಹ ವಿಷಯ ಹೇಳೇ ಇಲ್ಲ, ವಿಡಿಯೋ ತಿರುಚಲಾಗಿದೆ ಎಂದಿದ್ದಾರೆ.
ಈ ವಿಡಿಯೋದಲ್ಲಿ, ಶಾಸಕಿ ವಿಧಾನಸಭಾ ಚುನಾವಣಾ ಪ್ರಚಾರದ ವೇಳೆಯಲ್ಲಿ ರಾವಿಯಾ, ಘಡ್ಸಾನ ಮತ್ತು ಅನೂಪ್ ಘರ್ ಪ್ರದೇಶಗಳ ಪತ್ರಕರ್ತರಿಗೆ ನಗದು ಪ್ಯಾಕೆಟ್ಗಳನ್ನು ನೀಡಿದ್ದು, ಅವರಲ್ಲಿ ಮೂವರು ಪತ್ರಕರ್ತರು ಶಾಸಕಿ ಆಯ್ಕೆಯಾದ ಮೇಲಷ್ಟೇ ಹಣ ಸ್ವೀಕರಿಸುವುದಾಗಿ ಹೇಳಿ ಹಿಂದಿರುಗಿಸಿದರು ಎಂದು ಹೇಳಿರುವುದು ದಾಖಲೆಯಾಗಿದೆ.
ಪತ್ರಕರ್ತರು ತಮ್ಮ ವೃತ್ತಿಯ ಮೌಲ್ಯವನ್ನು ಅರಿಯಬೇಕು ಎಂದು ಶಾಸಕಿ ಸೂಚಿಸಿದ್ದಾರೆ. ಇದನ್ನು ವಿರೋಧಿಸಿ ಪ್ರಾದೇಶಿಕ ಪತ್ರಕರ್ತರು ಮುಖ್ಯಮಂತ್ರಿ, ಚುನಾವಣ ಆಯೋಗ ಮತ್ತು ಜಿಲ್ಲ ಕಲೆಕ್ಟರ್ ಗಳಿಗೆ ದೂರು ನೀಡಿ ಶಾಸಕಿಯ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಆಗ್ರಹಿಸಿದ್ದಾರೆ.
