ನವದೆಹಲಿ/ಕಠ್ಮಂಡು: ಭಾರತ ಮತ್ತು ನೇಪಾಳ ನಡುವಿನ ತಿಕ್ಕಾಟ ಹಲವು ತಿರುವುಗಳನ್ನು ಪಡೆಯುತ್ತಿದ್ದು, ಭಾರತದ ಸಶಸ್ತ್ರ ಸೀಮಾ ಬಲದ 13 ಯೋಧರನ್ನು ನೇಪಾಳ ಬಂಧಿಸಿ ಬಿಡುಗಡೆ ಮಾಡಿದೆ. ನೇಪಾಳದ ಕೇಬಲ್ ಆಪರೇಟರ್‍ಗಳು ಭಾರತದ ಟಿವಿ ವಾಹಿನಿಗಳನ್ನು ಬ್ಲಾಕ್ ಮಾಡಿದ್ದಾರೆ.
ನೇಪಾಳದ ಗಡಿಯೊಳಗೆ ಪ್ರವೇಶಿಸಿದ ಆರೋಪ ದಲ್ಲಿ 13 ಯೋಧರನ್ನು ನೇಪಾಳ ಪೊಲೀಸರು ಬಂಧಿಸಿ ನಂತರ ಬಿಡುಗಡೆ ಮಾಡಿದರು. ಯೋಧರಿಗೆ ಯಾವುದೇ ಗಾಯಗಳಾಗಿಲ್ಲ. ಈ ನಡುವೆ, ನೇಪಾಳಕ್ಕೆ ಭಾರತ ದಿಂದ ಸರಕು ಸಾಗಣೆಯನ್ನು ತಡೆದಿರುವುದನ್ನು ವಿರೋಧಿಸಿ ಕೇಬಲ್ ಆಪರೇಟರ್‍ಗಳು ಅನಿರ್ದಿಷ್ಟಾವಧಿಗೆ ಭಾರತದ ವಾಹಿನಿಗಳ ಪ್ರಸಾರ ತಡೆಹಿ ಡಿದಿದ್ದಾರೆ. ಸರಕು ಲಾರಿಗಳನ್ನು ತಡೆ ಹಿಡಿದಿರುವ ಮಾದ್ಹೇಸಿ ಗುಂಪುಗಳ ಮುಷ್ಕರ ಮುಂದುವರಿದಿದೆ.
